കിരണ് ബേദിയെ പുതുച്ചേരി ലഫ്. ഗവര്ണറായി കേന്ദ്രസര്ക്കാര് നിയമിച്ചു
രാജ്യത്തെ ആദ്യ ഐ.പി.എസ് ഉദ്യോഗസ്ഥയും ബി.ജെ.പി നേതാവുമായ കിരണ് ബേദിയെ പുതുച്ചേരി ലഫ്. ഗവര്ണറായി കേന്ദ്രസര്ക്കാര് നിയമിച്ചു. കേന്ദ്രഭരണ പ്രദേശമായ പുതുച്ചേരിയില് 15 സീറ്റ് നേടി കോണ്ഗ്രസ് ഡി.എം.കെ സഖ്യം അധികാരത്തിലെത്തിയതിന് പിന്നാലെയാണ് നിയമനം പുതുച്ചേരി ലഫ്. ഗവര്ണറായിരുന്ന വീരേന്ദ്ര കടാരിയയെ നരേന്ദ്ര മോദി സര്ക്കാര് അധികാരമേറ്റതിനു പിന്നാലെ പുറത്താക്കിയിരുന്നു. തുടര്ന്ന് ആന്ഡമാന് നിക്കോബാര് ലഫ്. ഗവര്ണര്ക്കു പുതുച്ചേരിയുടെ അധികച്ചുമതല നല്കുകയായിരുന്നു.
അണ്ണാഹസാരെയുടെ സമരത്തിലൂടെയായിരുന്നു കിരണ് ബേദി രാഷ്ട്രീയത്തിലേക്ക് കടന്നുവന്നത്. പിന്നീട് അരവിന്ദ് കെജ്രിവാളിന്റെ കൂടെ ആം ആം ആദ്മിക്കൊപ്പം നിന്നു. എന്നാല് ഏറെ താമസിക്കാതെ കെജ്രിവാളുമായി പിരിഞ്ഞ കിരണ്ബേദി ബിജെപി പാളയത്തിലെത്തുകയായിരുന്നു. സര്ക്കാര് ഏല്പ്പിച്ച ദൗത്യം ഏറ്റെടുക്കുമെന്നു കിരണ് ബേദി പ്രതികരിച്ചു. 2007ല് ഐപിഎസില്നിന്നു സ്വയം വിരമിച്ച അവര് കഴിഞ്ഞവര്ഷം ദല്ഹി നിയമസഭാ തിരഞ്ഞെടുപ്പില് പരാജയപ്പെട്ടശേഷം പൊതുരംഗത്തു സജീവമായിരുന്നില്ല. നിയമനം രാഷ്ട്രീയപ്രേരിതമാണെന്നു ജനതാദള് യു ആരോപിച്ചു. അതേസമയം, ദല്ഹി മുഖ്യമന്ത്രി അരവിന്ദ് കേജ്രിവാള് ട്വിറ്ററില് അവരെ അഭിനന്ദിച്ചു. 1972 ഐ .പി .എസ് ബാച്ചില് ആദ്യ വനിതയായിരുന്ന അവര് 35 വര്ഷത്തെ സേവനത്തിന് ശേഷം 2007 ല് ബ്യൂറോ ഓഫ് പോലീസ് റിസര്ച് ആന്ഡ് ഡെവലപ്മെന്റിന്റെ ഡയരക്ക്ട്ടര് ജെനറല് പദവിയിലിരിക്കെ സ്വയം വിരമിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
