പാളം തെറ്റിയതിനുതുടര്ന്ന് താറുമാറായ ട്രെയിന് ഗതാഗതം ഭാഗീകമായി പുനസ്ഥാപിച്ചു; റദ്ദാക്കിയ ട്രെയിന് സര്വ്വീസുകള് പുനരാരംഭിച്ചു
തിരുവനന്തപുരം മംഗളൂരു എക്സ്പ്രസ് കറുകുറ്റി റെയില്വേ സ്റ്റേഷനില് പാളം തെറ്റിയതിനെത്തുടര്ന്ന് താറുമാറായ ട്രെയിന് ഗതാഗതം ഭാഗീകമായി പുനസ്ഥാപിച്ചു. തിരുവനന്തപുരത്തേയ്ക്ക് ഒന്നാം ട്രാക്കിലൂടെയുള്ള ഗതാഗതം ഇന്നു പുലര്ച്ചയോടെ ആരംഭിച്ചു.
തിരുവനന്തപുരത്തു നിന്നുള്ള ഏറനാട്, പരശുറാം, ജനശതാബ്ദി എക്സ്പ്രസുകള് കൃത്യ സമയത്ത് പുറപ്പെടും. കണ്ണൂര്തിരുവനന്തപുരം ജനശതാബ്ദി എറണാകുളത്തു നിന്നു ആരംഭിക്കും. ട്രാക്ക് സഞ്ചാര യോഗ്യമാക്കിയെങ്കിലും ഗതാഗതം പഴയ നിലയിലെത്താന് കൂടുതല് സമയമെടുക്കും.
ടെയിനുകളൊന്നും റദ്ദാക്കിയിട്ടില്ല. എന്നാല് സര്വ്വീസുകള് താമസിക്കാന് ഇടയുണ്ട്. പാളം തെറ്റിയ ബോഗികള് മാറ്റാനുള്ള താമസമാണ് സര്വ്വീസുകള് കുത്യമാക്കാന് തടസ്സം.
അപകടം നടന്ന ട്രാക്കില് കോച്ചുകള് മുഴുവന് മാറ്റിയ ശേഷം പാളത്തിന്റെ പ്രശ്നങ്ങളും സിഗ്നലിങ് സംവിധാനങ്ങളും ശരിയാക്കണം. 23 കോച്ചുള്ള ട്രെയിനിന്റെ 12 കോച്ചുകള് പാളം തെറ്റിയിരുന്നു. 
ആയിരത്തി അഞ്ഞൂറോളം യാത്രക്കാരാണ് ട്രെയിനിലുണ്ടായിരുന്നത്. റെയില്വേ ജീവനക്കാരുടെ അവസരോചിതമായ ഇടപെടല് വന്ദുരന്തം ഒഴിവാക്കിയത്. പാളത്തിലെ വിള്ളല് ആയിരുന്നു അപകട കാരണം.
https://www.facebook.com/Malayalivartha
