നാലാം തവണയും കേന്ദ്ര സര്ക്കാരിന്റെ ഓര്ഡിനന്സ്; രാഷ്ട്രപതി പ്രണബ് മുഖര്ജി അസംതൃപ്തി രേഖപ്പെടുത്തി
പാര്ലമെന്റില് പാസാക്കാന് പരാജയപ്പെട്ട നിയമം, തുടര്ച്ചയായ നാലാം തവണയും കേന്ദ്രസര്ക്കാര് ഓര്ഡിനന്സാക്കിയതില് രാഷ്ട്രതി പ്രണബ് മുഖര്ജി അതൃപ്തി പ്രകടിപ്പിച്ചു. കേന്ദ്രമന്ത്രിസഭ വഴി നിയമം കൊണ്ടു വരാത്തതിലാണ് രാഷ്ട്രപതി അതൃപ്തി പ്രകടിപ്പിച്ചത്.
പൊതുനന്മ മുന്നില് കണ്ടുകൊണ്ട് മാത്രമാണ് താന് ഓര്ഡിനന്സില് ഒപ്പുവെക്കുന്നതെന്നും ഇനിയൊരിക്കലും മന്ത്രിസഭാ തീരുമാനമാകാതെ ഓര്ഡിനന്സ് പുറപ്പെടുവിക്കരുതെന്നും രാഷ്ട്രപതി പുറത്തിറക്കിയ കുറിപ്പില് പറയുന്നു. സ്വാതന്ത്ര്യം കിട്ടിയതിനു ശേഷം ഇതാദ്യമായാണ് മന്ത്രിസഭയില് പാസാകാതെ ഒരു ഓര്ഡിനന്സ് രാഷ്ട്രപതിയുടെ പക്കലെത്തുന്നത്.
നാല്പത്തിയെട്ടു വര്ഷം പഴക്കമുള്ള എനിമി പ്രോപര്ട്ടീസ് ആക്ടിലെ ഭേദഗതിയാണ് ഓര്ഡിനന്സ് രൂപത്തില് രാഷ്ട്രപതിയുടെ പക്കലേക്ക് അയച്ചിരിക്കുന്നത്.
യുദ്ധശേഷം പാക്കിസ്ഥാനിലേക്കോ, ചൈനയിലേക്കോ കുടിയേറിയ വ്യക്തികളുടെ സ്വത്തവകാശത്തെ നിയന്ത്രിക്കാനുള്ളതാണ് എനിമി പ്രോപര്ട്ടീസ് ആക്ട്. പ്രധാനമന്ത്രി നേരിട്ടാണ് ഈ നിയമത്തിലെ ഭേദഗതിക്കുള്ള ഓര്ഡിനന്സ് രാഷ്ട്രപതിക്ക് അയച്ചത്. ലോക്സഭയില് പാസാക്കിയെങ്കിലും രാജ്യസഭയില് കടുത്ത എതിര്പ്പുയര്ന്നതുമൂലം ഓര്ഡിനന്സ് ഇറക്കാന് കേന്ദ്രസര്ക്കാര് നിര്ബന്ധിതരാവുകയായിരുന്നു.
ഓര്ഡിനന്സ് ഇറക്കണമെന്ന ആവശ്യവുമായി സര്ക്കാര് ഇതിനു മുന്പും രാഷ്ട്രപതിയെ സമീപിച്ചിരുന്നു. പാര്ലമെന്റ് സമ്മേളനം നടന്നുകൊണ്ടിരിക്കെ ഓര്ഡിനന്സ് ഇറക്കുന്നത് ചട്ടവിരുദ്ധമാണെന്ന് പറഞ്ഞ സര്ക്കാരിനെ രാഷ്ട്രപതി തള്ളിക്കളയുകയായിരുന്നു.
പ്രസിഡന്റിന്റെ താക്കീതോടെ മന്ത്രിസഭയുടെ മുന്കാല പ്രാബല്യത്തോടെയുള്ള അംഗീകാരം ലഭിക്കാതെ ഓര്ഡിനന്സ് പാസാക്കാന് സര്ക്കാരിന് സാധിക്കില്ല.
മുന് ഓര്ഡിനന്സിന്റെ കാലാവധി ഈ വരുന്ന ഞായറാഴ്ച അവസാനിക്കുകയാണ്. ഭേദഗതിക്കായുള്ള ഓര്ഡിനന്സ് പാസാക്കാതെ സര്ക്കാരിനെ ശാസിച്ചതുമൂലം രാഷ്ട്രപതിക്കും സര്ക്കാതിനുമിടയിലെ തര്ക്കങ്ങള് വര്ധിച്ചിരിക്കുകയാണ്
https://www.facebook.com/Malayalivartha
