റിസര്വ് ബാങ്ക് ഗവര്ണറായി ഊര്ജിത് പട്ടേല് ഇന്ന് ചുമതലയേല്ക്കും
റിസര്വ് ബാങ്കിന്റെ പുതിയ ഗവര്ണറായി ഊര്ജിത് പട്ടേല് ഇന്ന് സ്ഥാനമേല്ക്കും. നിലവിലെ ഡെപ്യൂട്ടി ഗവര്ണര് സ്ഥാനത്തുനിന്നുമാണ് പുതിയ പദവിയിലേക്ക് പട്ടേല് എത്തുന്നത്. സാമ്പത്തിക വളര്ച്ചയെക്കാളുപരി, സാമ്പത്തിക അടിത്തറ ഭദ്രമാക്കുകയാണ് ആര്.ബി.ഐയുടെ 24ാമത് ഗവര്ണര്ക്കുമുന്നിലുള്ള വെല്ലുവിളി. അനുഭവപരിചയം കൈമുതല്, കുറച്ച് സംസാരം കടുത്ത തീരുമാനങ്ങള്. ഊര്ജിത് പട്ടേലിന് ഇന്ത്യയുടെ സാമ്പത്തികരംഗത്തെ ഭദ്രമായി കൈകാര്യം ചെയ്യാനാകുമെന്നാണ് സാമ്പത്തിക വിദഗ്ദരുടെ പ്രതീക്ഷ. സ്ഥാനമൊഴിഞ്ഞ രഘുറാം രാജന്റെ നയങ്ങള്തന്നെയാകും പട്ടേലും പിന്തുടരുകയെന്നതില് സംശയമില്ല.
നേരത്തെ ഗുജറാത്ത് പെട്രോളിയം കോര്പറേഷന് നോണ് എക്സിക്യൂട്ടിവ് !ഡയറക്ടര്, റിലയന്സ് ഇന്ഡസ്ട്രീസ് ഡയറക്ടര്, ബോസ്റ്റണ് ഗ്രൂപ്പ് അഡ്വൈസര്, ആര്ബിഐ ഡപ്യൂട്ടി ഗവര്ണര്മാരില് ഒരാള്, മോണിറ്ററി പോളിസിവിഭാഗം തലവന് എന്നീ പദവികള് വിജയകരമാക്കിയശേഷമാണ് സുപ്രധാന സ്ഥാനത്തേക്കുള്ള അദ്ദേഹത്തിന്റെ നിയമനം. 'സാമ്പത്തിക മേഖലയ്ക്ക് അനിവാര്യമായത് മാത്രം ചെയ്യുകയാണ് വേണ്ടത്, നിക്ഷേപകരിലോ, വിപണിയിലോ അല്ല പ്രധാന ശ്രദ്ധ, ഉപഭോക്താക്കളിലായിരിക്കും. ഉപഭോക്താവിന്റെ ക്ഷേമത്തിനായി നാണയപ്പെരുപ്പം താഴേക്ക് കൊണ്ടുവരണം.' രണ്ടുവര്ഷംമുന്പുനടന്ന അവലോകന യോഗത്തില് അദ്ദേഹം അഭിപ്രായപ്പെട്ടിരുന്നു.
രഘുറാം രാജന്റെ കാലയളവില് ആര്ബിഐ പ്രഖ്യാപിച്ച എല്ലാനയങ്ങളിലും പട്ടേല് അടങ്ങിയ പാനലിന്റെ നിര്ദേശം പ്രധാനഘടകങ്ങളായിരുന്നു. അതേസമയം, ഗവര്ണര് ഒറ്റയ്ക്ക് വായ്പാനയം പ്രഖ്യാപിക്കുന്നത് ഇനിയുണ്ടാവില്ല. വായ്പാനയ പ്രഖ്യാപനത്തിനായി ഗവര്ണര് ഉള്പ്പെടെ ആറുപേര് അംഗമായ മോണിറ്ററിങ് പോളിസിയെ നിയമിക്കുമെന്ന് നേരത്തെ കേന്ദ്രസര്ക്കാര് പ്രഖ്യാപിച്ചിരുന്നു.
https://www.facebook.com/Malayalivartha
