മന്ത്രിസഭാ പുനഃസംഘടനയില്‍ സ്ഥാനമാറ്റം വന്നതിനു ശേഷവും വിവാദങ്ങള്‍ക്കു ഒരു കുറവും വരുത്തുന്നില്ലെന്നു തെളിയിക്കുകയാണ് നിയളവിലെ ടെക്‌സ്‌റ്റൈല്‍ വകുപ്പിന്റെ ചുമതല വഹിക്കുന്ന സ്മൃതി ഇറാനി. മാനവവിഭവ ശേഷി വകുപ്പില്‍ നിന്നും പുനഃ സംഘടനയിലൂടെ വകുപ്പ് മാറ്റി കൊടുത്തതിനു ശേഷവും കഴഞ്ഞ ദിവസം സാരിയുയുടെ തുകയുടെ പേരില്‍ സ്മൃതി വാര്‍ത്തകളില്‍ നിറഞ്ഞിരുന്നു.

ഔദ്യോഗിക വസതി മോഡി പിടിപ്പിക്കുന്നതിനു തുക ചിലവിട്ടതില്‍ ഏറ്റവും കൂടുതല്‍ തുക കൈപ്പറ്റിയതും ചിലവാക്കിയതും സ്മൃതി ഇറാനിയെന്നു വിവരാവകാശ നിയമപ്രകാരം അറിയാന്‍ കഴിഞ്ഞു.സ്മൃതിയുടെ പിന്നില്‍ ഏറ്റവും കൂടുതല്‍ തുക ചെലവിട്ടത് ചൗധരി ബീരേന്ദര്‍ സിംഗ്, രാജ്യവര്‍ദ്ധന്‍ സിംഗ് റാത്തോര്‍, ഉപേന്ദ്ര കുശ് വാഹ, ആര്‍.എസ്.കതേരിയ, ജെ.പി.നദ്ദ, സന്‍വര്‍ ജാട്ട്, ജിതേന്ദ്ര സിംഗ് എന്നിവരാണ്. മാനവശേഷി മന്ത്രിയായിരിക്കെ സ്മൃതിയും സഹമന്ത്രിയും ചേര്‍ന്ന് 1.16 കോടി രൂപയാണ് ചെലവിട്ടത്. സ്മൃതി മാത്രം 70 ലക്ഷമാണ് ചെലവിട്ടത്.

പ്രധാനമന്ത്രി നരേന്ദ്ര മോദി നേതൃത്വം നല്‍കുന്ന മന്ത്രിസഭയിലെ നാലു മന്ത്രിമാരൊഴികെ മറ്റുള്ളവര്‍ ഔദ്യോഗിക വസതി മോടി പിടിപ്പിക്കാന്‍ ചെലവിട്ടത് 3.5 കോടി രൂപഎന്നാണ് വിവരാക്ഷ നിയമപ്രകാരം അറിയാന്‍ കഴിഞ്ഞത്. ജൂനിയര്‍ മന്ത്രിമാരും അടുത്തിടെ നടന്ന മന്ത്രിസഭാ പുന:സംഘടനയില്‍ മന്ത്രിസ്ഥാനം ലഭിച്ചവരും ചേര്‍ന്ന് സര്‍ക്കാരിന്റെ ആദ്യ രണ്ടു വര്‍ഷത്തിനിടെ ചെലവിട്ടത് 3.5 കോടി രൂപയാണ്.

കേന്ദ്ര ധനമന്ത്രി അരുണ്‍ ജെയ്റ്റ്‌ലി, ആഭ്യന്തര മന്ത്രി രാജ്‌നാഥ് സിംഗ്, വിദേശകാര്യ മന്ത്രി സുഷമാ സ്വരാജ്, പ്രതിരോധ മന്ത്രി മനോഹര്‍ പരീക്കര്‍ എന്നിവരാണ് വസതി മോടി പിടിപ്പിക്കാന്‍ സര്‍ക്കാര്‍ ഖജനാവില്‍ നിന്ന് ഒരു രൂപ പോലും ചെലവിടാതിരുന്നത്.