ആംആദ്മി നേതാക്കള് പാര്ട്ടിയിലെ 52 വനിതാ പ്രവര്ത്തകരെ ലൈംഗിക ചൂഷണത്തിനിരയാക്കി; എഎപിക്കെതിരെ ഗുരുതര വെളിപ്പെടുത്തലുമായി വനിത നേതാവ്
ആം ആദ്മി പാര്ട്ടി വീണ്ടും ലൈഗിക അപവാദത്തില് കുരുങ്ങുന്നു. ഇത്തവണ എഎപി നേതൃത്വത്തിനെതിരെ ആരോപണവുമായി രംഗത്തെത്തിയിരിക്കുന്നത് ആംആദ്മിയുടെ മുതിര്ന്ന വനിത നേതാവാണ്. എഎപിയുടെ ദില്ലി യൂണിറ്റിലുള്ള 52 വനിതകളെ നേതാക്കന്മാര് ലൈംഗികമായി ദുരുപയോഗം ചെയ്തുവെന്ന ആരോപണവുമായാണ് എഎപി പഞ്ചാബ് സംസ്ഥാന കമ്മിറ്റി മുന് അംഗവും ഫെറോസ്പുര് യൂണിറ്റ് കണ്വീനറുമായിരുന്ന അമന്ദീപ് കൗര് എന്ന എഎപി വനിതാ നേതാവ്.
സ്ത്രീ സുരക്ഷ മുന്നിര്ത്തി അധികാരത്തിലേറിയ പാര്ട്ടിക്കുള്ളില് പോലും സ്ത്രീകള് സുരക്ഷിതരല്ല. പാര്ട്ടിയിലെ ദില്ലി ഘടകത്തില് മാത്രം 52 ഓളം വനിത പ്രവര്ത്തകരാണ് ലൈംഗികമായി ദുരുപയോഗം ചെയ്യപ്പെട്ടത്.നേതാക്കള് നിരന്തരം ഇവര്ക്കരികില് ഇത്തരം പെരുമാറ്റവുമായെത്തി. ഇതേ തുടര്ന്ന് ഒരാള് ജീവനൊടുക്കിയെന്നും ബാക്കിയുള്ളവരുടെ പേരുവിവരങ്ങള് വൈകാതെ പുറത്തുവുടുമെന്നും അമന്ദീപ് കൗന് പറഞ്ഞു.
നേരത്തെ എഎപി നേതാവും മന്ത്രിയുമായിരുന്ന സന്ദീപ് കുമാറിനെതിരെയും ലൈംഗിക ആരോപണമുയര്ന്നിരുന്നു. അശ്ലീല ടോപ്പ് വിവാദത്തില് കുടുങ്ങിയ സന്ദീപ് കുമാറിനെ പാര്ട്ടിയില് നിന്നും മന്ത്രിസ്ഥാനത്തു നിന്നും നീക്കിയതിനു പിന്നാലെയാണ് പാര്ട്ടി നേതൃത്വത്തിനെതിരെ ശക്തമായ ആരോപണമുയര്ന്നിരിക്കുന്നത്
https://www.facebook.com/Malayalivartha
