ഇന്ത്യയിലെ ആദ്യത്തെ സഞ്ചരിക്കുന്ന ഫുഡ് ടെസ്റ്റിങ് ലാബ് തിരുവനന്തപുരത്ത്
ഇന്ത്യയിലെ ആദ്യത്തെ സഞ്ചരിക്കുന്ന ഫുഡ് ടെസ്റ്റിങ് ലാബ് തിരുവനന്തപുരത്ത് പുറത്തിറക്കി. നേരത്തെ രണ്ടാഴ്ച കാത്തിരിക്കണമെങ്കില് 20 മിനിട്ടിനുള്ളില് പരിശോധനഫലം ലഭിക്കുന്നുവെന്നതാണ് മൊബൈല് ലാബിന്റ പ്രത്യകത.
നിലവില് ഭക്ഷ്യവസ്തുക്കളുടെ സാംപിളെടുത്ത് ലാബില് പരിശോധന നടത്തിയാല് ഫലം വരാന് 14 ദിവസമെങ്കിലും എടുക്കും.സഞ്ചരിക്കുന്ന ലാബ് വരുന്നതോടെ ഈ കാലതാമസം ഒഴിവാകും.പാല് ഉള്പ്പടെയുള്ളവ ചെക്ക് പോസ്്റ്റുകളില് വച്ച് തന്നെ പരിശോധിച്ച് മായം കണ്ടെത്തിയാല് തിരിച്ചയക്കാന് കഴിയും. ലാബില് കൊണ്ടുവന്ന് കൂടുതല് പരിശോധന വേണമെങ്കില് സാംപിളെടുത്ത്സൂക്ഷിക്കാന് ശീതീകരണ സംവിധാനങ്ങളും മൊബൈല് ലാബിലുണ്ട്.തുടക്കത്തില് ചെക്ക് പോസ്റ്റ് കേന്ദ്രീകരിച്ചായിരിക്കും ഇത് പ്രവര്ത്തികയെന്ന് ലാബ് ഫ്ലാഗ് ഓഫ് ചെയ്ത ആരോഗ്യമന്ത്രി പറഞ്ഞു.
ഒരു കോടിയിലേറെ രൂപ ചെലവഴിച്ചാണ് രണ്ടുലാബുകള് പുറത്തിറക്കുന്നത്. രണ്ടാമത്തെ ലാബ് ഒക്ടോബറില് നിരത്തിലിറങ്ങും.യു.ഡി.എഫ് സര്ക്കാരിന്റ കാലത്താണ് മൊബൈല് ലാബിനായി നടപടി ആരംഭിച്ചത്. മുന് ആരോഗ്യമന്ത്രി വി.എസ് ശിവകുമാറും ചടങ്ങില് പങ്കെടുത്തു.
https://www.facebook.com/Malayalivartha
