വിവാഹം കഴിച്ച് കുടുംബമായി കഴിയണം, അതാണ് ഇന്ത്യക്കും നല്ലത്, ഗാന്ധി കുടുംബത്തിനു മാത്രമാണോ പാര്ട്ടിയെ സംരക്ഷിക്കാന് കഴിയൂ ? പറയുന്നത് പ്രമുഖ ചരിത്രകാരന് രാമചന്ദ്ര ഗുഹ
രാഷ്ട്രീയത്തില് നിന്നും വിരമിച്ച് നല്ലൊരു കുടുംബ ജീവിതം നയിക്കുന്നതാണ് നല്ലതെന്നു പ്രമുഖ ചരിത്രകാരന് രാമചന്ദ്ര ഗുഹ. എക്കണോമിക്സ് ടൈംസിന് നല്കിയ അഭിമുഖത്തിലാണ് ഗുഹ രാഹുല് ഗാന്ധിക്കെതിരെ വിമര്ശനവുമായി രംഗത്തെത്തിയത്. രാഷ്ട്രീയ ജീവിതത്തില് നിന്നും വിരമിച്ച് കുടുംബ ജീവിതവുമായി മുന്നോട്ടു പോകുന്നതാണ് രാഹുല് ഗാന്ധിക്കും ഇന്ത്യക്കും നല്ലതെന്നാണ് രാമചന്ദ്ര ഗുഹ പറയുന്നത്.
ബുദ്ധിയും വിവേകവും തിരിച്ചറിവുമുള്ള നിരവധി നേതാക്കള് കോണ്ഗ്രസ്സിനുണ്ട് എന്നാല് അവരെല്ലാം ഗാന്ധി കുടുംബത്തിനെ ആശ്രയിക്കുന്നതിന്റെ പൊരുള് മനസിലാകുന്നില്ലെന്നും അദ്ദേഹം കുറ്റപ്പെടുത്തി. കോണ്ഗ്രസ്സിന് ഒരു ശക്തമായ തിരിച്ചു വരവുണ്ടാകുമെന്നു പ്രതീക്ഷിച്ചെങ്കിലും ഇനി അതുണ്ടാകില്ല. . അടുത്ത ലോക്സഭാ തിരഞ്ഞെടുപ്പില് ഭരണവിരുദ്ധ വികാരം മൂലം കോണ്ഗ്രസ് ഇപ്പോഴത്തെ 44 ലില് നിന്ന് 70 ഓ 80 ഓ ഒരുപക്ഷേ 100 സീറ്റ് വരേയോ എത്തിയേക്കാം. എന്നാലും ഒരു നിര്ണായക ശക്തിയാകാന് കോണ്ഗ്രസ്സിന് ഇനി കഴിയില്ലെന്നും ഗുഹ പറഞ്ഞു.
അടുത്ത 12 മുതല് 20 വര്ഷക്കാലം ബി.ജെ.പി ഇന്ത്യന് രാഷ് ട്രീയത്തിന്റെ ഗതി നിയന്ത്രിക്കുന്ന ശക്തിയായി തുടരുമെന്നും അദ്ദേഹം അഭിപ്രായപ്പെട്ടു. 1960-70 കാലത്തെ കോണ്ഗ്രസിന്റെ അത്ര മേധാവിത്വം ബി.ജെ.പിക്കുണ്ടാവും. ദേശീയ പാര്ട്ടിയായി വളര്ന്നതും വളരുന്നതും ഇന്ന് ബി.ജെ.പി മാത്രമാണ്. കേരളത്തില് കമ്യൂണിസ്റ്റ് പാര്ട്ടിയും, ബംഗാളില് തൃണമൂലും, തമിഴ്നാട്ടില് ദ്രാവിഡ പാര്ട്ടികളും ഒഴിച്ചുനിര്ത്തിയാല് ബി.ജെ.പിക്ക് സമീപഭാവിയില് കാര്യമായ വെല്ലുവിളികളില്ല.
എന്നാല് പല സംസ്ഥാനങ്ങളിലും കോണ്ഗ്രസിന് സംഘടനാസംവിധാനം തന്നെയില്ല. മഹാരാഷ് ട്രയില് ശക്തി ക്ഷയിക്കുകയാണ്. പാര്ട്ടി സംവിധാനം നിലവിലുള്ള അപൂര്വ്വം സംസ്ഥാനങ്ങളില് ഒന്ന് കേരളമാണ്. ഇന്തോ-ഗാഞ്ചറ്റിക് സമതലത്തില് കോണ്ഗ്രസ് ഏറെക്കുറേ അപ്രത്യക്ഷമായിക്കഴിഞ്ഞെന്നും ഗുഹ അഭിപ്രായപ്പെട്ടു.
എന്നാലും മോദിക്ക് വോട്ട് ചെയ്തവര് പോലും അദ്ദേഹത്തിന്റെ പരിധിവിട്ടുള്ള സംസാരത്തെകുറിച്ചും പൊള്ളയായ വാഗ്ദാനങ്ങളെക്കുറിച്ചും അതിരുകവിഞ്ഞ മാധ്യമപ്രീണനത്തെക്കുറിച്ചുമാണ് സംസാരിക്കുന്നത്. വിമര്ശകര് ഉയര്ന്നുവരുന്നുണ്ടെങ്കിലും അത് ഉപയോഗപ്പെടുത്താന് കോണ്ഗ്രസ്സില് ഒരു നേതാവില്ലന്നും അദ്ദേഹം പറഞ്ഞു. നേരത്തെ ജനങ്ങള് ചിന്തിച്ചിരുന്നത് നിതീഷ്കുമാറും കെജ് രിവാളും പകരക്കാരായി വരുമെന്നാണ് എന്നാല് അവരിലുള്ള പ്രതീക്ഷയും കേട്ട് പോയെന്നും രാമചന്ദ്ര ഗുഹ അഭിമുഖത്തില് പറഞ്ഞു.
https://www.facebook.com/Malayalivartha
