കേന്ദ്രസര്‍ക്കാരിന്റെ മുന്‍ കോര്‍പ്പറേറ്റ്കാര്യ ഡയറക്ടര്‍ ജനറല്‍ ബികെ ബന്‍സാലും 25കാരനായ മകനുമനു ആത്മഹത്യ ചെയ്തത്. ഡല്‍ഹി മധുവിഹാറിലുള്ള വസതിയില്‍ ഇരുവരെയും തൂങ്ങിമരിച്ച നിലയില്‍ കണ്ടെത്തുകയായിരുന്നു. മുംബൈ ആസ്ഥാനമാക്കിയ ഫാര്‍മസ്യൂട്ടിക്കല്‍ കമ്പനിക്കെതിരെയുള്ള അന്വേഷണം നിര്‍ത്തിവെക്കാന്‍ കമ്പനി അധികൃതരില്‍ നിന്നും പല ഗഡുക്കളിലായിഇരുപത് ലക്ഷം രൂപ ബന്‍സാല്‍ കൈക്കൂലിയായി ആവശ്യപ്പെട്ടിരുന്നു. ഇതിന്റെ രണ്ടാം ഗഡു കൈമാറവേയാണ് അദ്ദേഹം പോലീസ് പിടിയിലായത്.

ഇതേത്തുടര്‍ന്ന്, ബന്‍സാലിന്റെ ഭാര്യ സത്യബാല(58) , മകള്‍ നേഹ (27) എന്നിവരെ വീട്ടില്‍ തൂങ്ങിമരിച്ച നിലയില്‍ കണ്ടെത്തിയിരുന്നു. ബന്‍സാലിനെതിരെയുള്ള കേസുമായി ബന്ധപ്പെട്ട് വീട്ടില്‍ നടന്ന സിബിഐ റെയ്ഡുകള്‍ കനത്ത അപമാനത്തിനിടയാക്കിയതിനാലാണ് താനും മകളും ആത്മഹത്യ ചെയ്യുന്നതെന്നും തങ്ങളുടെ മരണത്തില്‍ ആര്‍ക്കും പങ്കില്ലെന്നും വിശദീകരിച്ചുകൊണ്ട് ബന്‍സാലിന്റെ ഭാര്യ എഴുതിയ ആത്മഹത്യാക്കുറിപ്പ് പോലീസ് കണ്ടെടുത്തിരുന്നു.

സംഭവത്തേത്തുടര്‍ന്ന്, കോടതി ബന്‍സാലിനു ജാമ്യം അനുവദിച്ചു. തന്റെ മകന്‍ കടുത്ത വിഷാദ രോഗത്തിനടിമയാണെന്നും ഇതുമൂലം മകന്‍ ആത്മഹത്യ ചെയ്യുമെന്ന് ഭയമുള്ളതായും ബന്‍സാല്‍ കോടതിയെ അറിയിച്ചതും അദ്ദേഹത്തിന് ജാമ്യം ലഭിക്കാന്‍ കാരണമായി. വീടിന്റെ പലഭാഗങ്ങളില്‍ നിന്നുമായി അഞ്ചു ആത്മഹത്യാക്കുറിപ്പുകള്‍ പോലീസ് കണ്ടെടുത്തെന്നും ഓരോ കുറിപ്പിനൊപ്പവും ഒരു കുടുംബഫോട്ടോയും ഒപ്പമുണ്ടായിരുന്നു എന്നും റിപ്പോര്‍ട്ടുകള്‍ സൂചിപ്പിക്കുന്നു. ബന്‌സാലിന്റെ ഭാര്യയും മകളും കഴിഞ്ഞ ജൂലൈയില്‍ ജീവനൊടുക്കിയിരുന്നു.