തമിഴ്നാട് മുഖ്യമന്ത്രി ജയലളിത മരിച്ചോ? ഒ. പനിനീര്ശെല്വം ഗവര്ണറെ കാണുന്നു, മരണവിവരം ഉടന് പുറത്ത് വിടും
അതീവ ഗുരുതരാവസ്ഥയില് അപ്പോളോ ആശുപത്രിയില് കഴിയുന്ന മുഖ്യമന്ത്രി ജയലളിത മരിച്ചെന്ന് ശക്തമായ അഭ്യൂഹം. അഭ്യൂഹം പരക്കുന്നതിനിടെ മുന് മുഖ്യമന്ത്രിയും ജയലളിതയുടെ വിശ്വസ്ഥനും മന്ത്രിസഭയില് രണ്ടാമനുമായ ഇ പനിനീര്ശെല്വം അടിയന്തിരമായി ഗവര്ണറെ സന്ദര്ശിച്ചു. ഇപ്പോഴും സന്ദര്ശനം തുടുന്നതായാണ് റിപ്പോര്ട്ട്. നേരത്തെ തന്നെ അപ്പോളോ ആശുപത്രിയിലെ ഒരു നഴ്സിന്റെതായി ജയലളിത ബ്രെയിന് ഡെത്തായി എന്ന രീതിയില് വോയ്സ് മെസേജ് പുറത്ത് വന്നിരുന്നു. ഇതിനെ തുടര്ന്ന് ഇന്നലെ അപ്പോളോ ആശുപത്രി അധികൃതര് ജയലളിതയ്ക്ക് ഗുരുതര രോഗമാണെന്നും കൂടുതല് കാലം ചികിത്സയില് കഴിയേണ്ടി വരുമെന്നും പത്രകുറിപ്പ് ഇറക്കിയിരുന്നു.
അണുബാധയും കടുത്തപനിയും ശ്വാസതടസവും മൂലമാണ് ആശുപത്രിയില് പ്രവേശിപ്പിച്ചത്. ഏതാനും ദിവസം കൂടി ആശുപത്രിയില് തുടരേണ്ടി വരുമെന്നാണ് ഡോക്ടര്മാര് അറിയിച്ചത്. ഇതോടെയാണ് മരിച്ചതായുള്ള അഭ്യൂഹം ശക്തമായത്. രണ്ടാഴ്ചയിലധികമായി ജയലളിത ചെന്നൈയിലെ അപ്പോളോ ആശുപത്രിയില് ചികില്സയിലാണ്.
എന്നാല് ജയലളിത ആശുപത്രിയില് തുടരുന്ന സാഹചര്യത്തില് ഭരണപ്രതിസന്ധി ഒഴിവാക്കാന് തമിഴ്നാട്ടില് നേതൃമാറ്റത്തിനായാണ് പനിനീര് ശെല്വം ഗവര്ണറെ സന്ദര്ശിച്ചതെന്നാണ് അണ്ണാഡിഎംകെയുടെ വാദം. ധനമന്ത്രി ഒ.പനീര്സെല്മോ, ഇ.പഴനിസ്വാമിയോ മുഖ്യമന്ത്രിയായേക്കുമെന്നാണ് സൂചന. പനീര്സെല്വം രണ്ടു തവണ ജയലളിതയ്ക്കു പകരം മുഖ്യമന്ത്രിയായിരുന്നു.
അതിനിടെ, ജയലളിത ആശുപത്രിയില് തുടരുന്ന സാഹചര്യത്തില് സംസ്ഥാനത്ത് രാഷ്ട്രപതി ഭരണം ഏര്പ്പെടുത്തണമെന്ന് ആവശ്യപ്പെട്ട് ബിജെപി നേതാവ് സുബ്രഹ്മണ്യം സ്വാമി കേന്ദ്ര ആഭ്യന്തരമന്ത്രി രാജ്നാഥ് സിങ്ങിന് കത്തയച്ചു. ജയലളിതയുടെ ആശുപത്രിവാസം സംസ്ഥാനത്തെ ഭരണനിര്വഹണത്തെ തന്നെ ബാധിക്കുകയും രാഷ്ട്രീയ ശൂന്യത സൃഷ്ടിക്കുകയും ചെയ്തിരിക്കുകയാണ്. ഇതേത്തുടര്ന്ന് രാമനാഥപുരം, തിരുനെല്വേലി, മധുര, കന്യാകുമാരി എന്നിവിടങ്ങളിലെ ഇസ്ലാമിക് സ്റ്റേറ്റിന്റെ സ്ലീപ്പിങ് സെല്ലുകള് പ്രവര്ത്തനം ശക്തമാക്കിയെന്നും സ്വാമി പുറത്തിറക്കിയ വാര്ത്താക്കുറിപ്പില് പറയുന്നു.
https://www.facebook.com/Malayalivartha
