അപ്പോളോ ആശുപത്രിയില്‍ ചികിത്സയില്‍ കഴിയുന്ന തമിഴ്‌നാട മുഖ്യമന്ത്രി മരിച്ചെന്ന സ്ഥിതീകരണം ശക്തമായി. മരണം വിവരം ഉറപ്പിക്കാനും സ്ഥിതിഗതികള്‍ നിയന്ത്രിക്കാനുമായി പ്രധാനമന്ത്രി നരേന്ദ്രമോഡി കേന്ദ്രമന്ത്രി വെങ്കയ്യനായിഡുവിനെ ചെന്നൈയിലേക്ക് അയച്ചിരുന്നു. എന്നാല്‍ വെങ്കയ്യനായിഡു ജയലളിതയുടെ നില ഗുരുതരമാണെന്നാണ് ബിജെപി കേന്ദ്രനേതൃത്വത്തിന് റിപ്പോര്‍ട്ട് നല്‍കിയത്. 
ജയലളിതയുടെ ആരോഗ്യനില അറിയാന്‍ കേരള ഗവര്‍ണര്‍ പി. സദാശിവവും മുഖ്യമന്ത്രി പിണറായി വിജയനും ഇന്നുച്ചയ്ക്ക് അപ്പോളോ ആശുപത്രിയിലെത്തുന്നുണ്ട്.തീവ്രപരിചരണ വിഭാഗത്തില്‍ കഴിയുന്ന ജയലളിതയെ കാണാന്‍ അസാധിക്കുമോ എന്ന കാര്യത്തില്‍ ഉറപ്പില്ല.
കഴിഞ്ഞ ദിവസം ജയലളിതയെ കാണാന്‍ സന്ദര്‍ശകരുടെ തിരക്കായിരുന്നു. കേന്ദ്രമന്ത്രി വെങ്കയ്യ നായിഡു, പുതുച്ചേരി മുഖ്യമന്ത്രി വി. നാരായണസാമി, ടിഎംസി നേതാവ് ജി.കെ. വാസന്‍, സിപിഐ നേതാവ് ഡി. രാജ, പിഎംകെ നേതാവ് അന്‍പുമണി രാമദാസ് എന്നിവര്‍ ഇന്നലെ ആശുപത്രിയിലെത്തി വിവരങ്ങള്‍ ആരാഞ്ഞു. ചികില്‍സയെക്കുറിച്ചു ഡോക്ടര്‍മാരുമായി വിശദമായി ചര്‍ച്ച ചെയ്തതായി മന്ത്രി വെങ്കയ്യ നായിഡു പറഞ്ഞു. ചികില്‍സയോടു മികച്ച രീതിയില്‍ പ്രതികരിക്കുന്നുണ്ടെന്നാണു ഡോക്ടര്‍മാര്‍ പറഞ്ഞത്.
അതേസമയം തമിഴ്‌നാട്ടിലെ നിലവിലെ സ്ഥിതിഗതികള്‍ ഗവര്‍ണര്‍ സി വിദ്യാസാഗര്‍ റാവു നിരീക്ഷിക്കുന്നുണ്ട്. മന്ത്രിമാരായ ഒ പനീര്‍ശെല്‍വം,ഇ പഴനി സ്വാമി എന്നിവര്‍ ഗവര്‍ണറുമായി കൂടിക്കാഴ്ച നടത്തിയിരുന്നു. ജയലളിത വഹിക്കുന്ന വകപ്പുകളുടെ ചുമതലകള്‍ മറ്റ് മന്ത്രിമാര്‍ക്ക് കൈമാറുന്നതിനെ കുറിച്ച് എഐഡിഎംകെയില്‍ ചര്‍ച്ചകള്‍ സജീവമാകുന്നുണ്ട്. സംസ്ഥാനത്ത് രാഷ്ട്രപതി ഭരണം ഏര്‍പ്പെടുത്തണമെന്നാവശ്യപ്പെട്ട് ബിജെപി നേതാവ് സുബ്രഹ്മണ്യസ്വാമി രംഗത്ത് വന്നത് പാര്‍ട്ടിയെ സമ്മര്‍ദത്തിലാക്കിയിട്ടുണ്ട്.
ഇതിനിടെ ആശുപത്രിക്ക് മുന്നില്‍ ജയലളിതയ്ക്കായി പൂജകളും പ്രാര്‍ത്ഥനകളുമായി പാര്‍ട്ടി പ്രവര്‍ത്തകരുടേയും അമ്മ ഭക്തരുടേയും തിരക്കാണ്. നിരവധിയാളുകളാണ് ദിനംപ്രതി ആശുപത്രിയിലേക്ക് ഒഴുകിയെത്തുന്നത്. കുറച്ചുനാള്‍ കൂടി ജയലളിതയ്ക്ക് ചികിത്സ തുടരേണ്ടിവരുമെന്ന ഡോക്ടര്‍മാര്‍മാരുടെ അറിയിപ്പിനെ തുടര്‍ന്ന് അമ്മയ്ക്കായി ആശുപത്രി പരിസരത്ത് തമ്പടിച്ചിരിക്കുകയാണ് അണ്ണാ ഡിഎംകെ പ്രവര്‍ത്തകര്‍. മരണ വിവരം പതുക്കെ പതുക്കെ പുറത്ത് വിടാനാണ് തമിഴ്‌നാട് സര്‍ക്കാരിന്റെ തീരുമാനം.