ബന്ധുക്കള് ശത്രുക്കളാകുന്നു... പിന് വാതില് നിയമനം നടത്തിയ മന്ത്രിമാര് വിജിലന്സ് അന്വേഷണം നേരിടുമെന്ന് സൂചന; പിണറായി മന്ത്രിസഭയ്ക്ക് വീണ്ടുമൊരു അഗ്നി പരീക്ഷ
സര്ക്കാരിനെ കുരുക്കിലാക്കിയ ബന്ധു നിയമനം പുതിയ അധ്യായത്തിലേക്ക്. വിവിധ സര്ക്കാര് വകുപ്പുകളില് പിന് വാതില് നിയമനം നടത്തിയ മന്ത്രിമാര് വിജിലന്സ് അന്വേഷണം നേരിടുമെന്നാണ് സൂചന. പ്രതിപക്ഷ നേതാവ് രമേശ് ചെന്നിത്തലയും ബിജെപി നേതാവ് കെ. സുരേന്ദ്രനും നല്കിയ പരാതികളുടെ അടിസ്ഥാനത്തിലാണ് കേസ് വിജിലന്സിലെത്തിയത്.
പരിശോധനയില് നിയമനങ്ങള് കൃതൃമമാണെന്ന് തെളിഞ്ഞാല് നിയമന ഉത്തരവ് റദ്ധാക്കിയാല് പോലും കേസ് നിലനില്ക്കും. പൊതുപ്രവര്ത്തകന് എന്ന പദവി ദുരുപയോഗപ്പെടുത്തി സ്വയമോ, മറ്റുള്ളവര്ക്കോ അന്യായ ഗുണം ചെയ്യുന്ന പ്രവര്ത്തിക്ക് ഏഴു വര്ഷം വരെ ശിക്ഷ ലഭിക്കാവുന്ന വകുപ്പുകളാകും മന്ത്രിമാര്ക്കെതിരെ ചുമത്തുക.
പരാതികള് ലഭിച്ചതിനാല് വിജിലന്സ് അന്വേഷണം സര്ക്കാര് നേരിടും എന്നുറപ്പാണ്. പികെ ശ്രീമതി, ഇപി ജയരാജന് എന്നിവരാണ് വിജിലന്സിന്റെ പ്രധാന നോട്ടപ്പുള്ളികള്.എന്നാല് ബന്ധു നിയമന വിവാദം സര്ക്കാരില് തന്നെ ചേരി തിരിവിനു കാരണമായിരിക്കുകയാണ്.
മന്ത്രി ശൈലജയ്ക്കെതിരെയും ആരോപണങ്ങള് ഉയരുന്നുണ്ട്. മരുമകളെ നിയമിച്ചത് സര്ക്കാര് അറിഞ്ഞു കൊണ്ടാണെന്ന പികെ ശ്രീമതിയുടെ വെളിപ്പെടുത്തലും പാര്ട്ടിയില് വിള്ളലുണ്ടാക്കി. മന്ത്രിമാര്ക്കു പുറമേ ആനത്തലവട്ടം ആനന്ദന്, സംസ്ഥാന കമ്മിറ്റിയംഗം കോലിയക്കോട് കൃഷ്ണന് നായര് എന്നിവരും അന്വേഷണം നേരിടേണ്ടി വരും. അന്യായ നിയമനങ്ങള് പുറത്തായതോടെ കൂടുതല് മന്ത്രിമാരെ കേന്ദ്രീകരിച്ചും അന്വേഷണം ആരംഭിച്ചു.
https://www.facebook.com/Malayalivartha
