യുപിഎ സര്‍ക്കാരിന്റെ കാലത്തും സൈന്യം അതിര്‍ത്തി കടന്ന് പാതിസ്ഥാനെ ആക്രമിച്ചതിന്റെ തെളിവ് പുറത്ത് വന്നു. ഴിഞ്ഞ ദിവസം ദേശീയ മാധ്യമമാണ് രഹസ്യ ഓപ്പറേഷന്റെ രേഖകള്‍ പുറത്തുവിട്ടത്. ഓപ്പറേഷന്‍ ജിഞ്ചര്‍ എന്ന പേരില്‍ 2011 ലാണ് ഈ ആക്രമണം നടന്നത്.
2011 ജൂലൈ 30ന് കുപ്‌വാരയിലെ ഗുഗാല്‍ദാര്‍ റിഡ്ജിലെ ഇന്ത്യന്‍ സൈനിക ക്യാംപിനു നേരെ പാക്ക് സേന ആക്രണം നടത്തി. രണ്ട് ഇന്ത്യന്‍ സൈനികരെ വധിച്ച് ശിരസ് മുറിച്ചെടുത്തു. ഇതിനു പകരമായാണ് ഇന്ത്യന്‍ കമാന്‍ഡോകള്‍ പിഒകെയില്‍ ആക്രമണം നടത്തി പാക്ക് സേനയെയും ആക്രമിച്ചത്.
എന്നാല്‍ ആക്രമണത്തെ കുറിച്ച് അന്നു രേഖകളോ വാര്‍ത്താസമ്മേളനം വിളിച്ചോ അന്നു വെളിപ്പെടുത്തിയിരുന്നില്ല. അതേസമയം, ഇപ്പോഴത്തെ ആക്രമണം വലിയ ചര്‍ച്ചയാകുന്ന അവസരത്തിലാണ് യുപിഎ സര്‍ക്കാറിന്റെ ഭരണകാലത്ത് നടന്ന ജിഞ്ചര്‍ ഓപ്പറേഷന്റെ രേഖകളും പുറത്തുവിട്ടിരിക്കുന്നത്. മേജര്‍ ജനറല്‍ എസ്.കെ. ചക്രവര്‍ത്തിയാണ് ആക്രമണത്തിനു നേതൃത്വം നല്‍കിയത്. 25 കമാന്‍ഡോകളാണ് ഓപറേഷന്‍ ജിഞ്ചറില്‍ പങ്കെടുത്തത്. മൂന്നു സംഘങ്ങളാണ് ആക്രമിച്ചത്. ആക്രമണത്തില്‍ എട്ടു പാക്ക് സൈനികരെ കൊലപ്പെടുത്തി. ഇതില്‍ മൂന്നുപേരുടെ തലയറുത്താണ് ഇന്ത്യന്‍ കമാന്‍ഡോകള്‍ തിരിച്ചെത്തിയത്