മണിപ്പൂര്‍ മുഖ്യമന്ത്രി ഒക്രാം ഇബോബി സിങ്ങിനു നേരെ വധശ്രമം. വെടിവെപ്പില്‍ മുഖ്യമന്ത്രി പരിക്കേല്‍ക്കാതെ രക്ഷപ്പെട്ടു. ഇന്ന് രാവിലെ ഉഖ്‌റുല്‍ ജില്ലയില്‍ ആശുപത്രി കെട്ടിടം ഉദ്ഘാടനം ചെയ്യാന്‍ ഉപമുഖ്യമന്ത്രി ഗെയ്ക്കങ്കത്തിനൊപ്പം ഹെലിക്കോപ്റ്ററില്‍ നിന്നിറങ്ങിയ മുഖ്യമന്ത്രിക്കുനേരെ ആയുധധാരി വെടിവെക്കുകയായിരുന്നു. 

ആക്രമണത്തില്‍ രണ്ട് ജവാന്‍മാര്‍ക്ക് പരിക്ക് പറ്റിയിട്ടുണ്ട്. ആയുധധാരികള്‍ക്കു വേണ്ടി തെരച്ചില്‍ നടത്തിയ സുരക്ഷാ ഉദ്യോഗസ്ഥര്‍ക്കെതിരെ രംഗത്തെത്തിയ നാട്ടുകാര്‍ രണ്ട് പൊലീസ് വാഹനങ്ങള്‍ കത്തിച്ചു.