എവിടെ രാജ്യസ്നേഹികള്? എന്റെ മകന്റെ നൊമ്പരം കാണാനും അവനുവേണ്ടി സംസാരിക്കാനും ഇവിടെ ആരുമില്ലേ? സിആര്പിഎഫ് ജവാന്റെ ദുരിതത്തില് മനംനൊന്ത ഒരു അമ്മയുടെ ചോദ്യമാണിത്
എവിടെ രാജ്യസ്നേഹികള്? എന്റെ മകന്റെ നൊമ്പരം കാണാനും അവനുവേണ്ടി സംസാരിക്കാനും ഇവിടെ ആരുമില്ലേ? രാജ്യത്തിനുവേണ്ടി അതിര്ത്തിയില് കാവല് നില്ക്കണമെന്ന ആഗ്രഹത്തില് സി ആര് പി എഫില് ചേര്ന്ന മകന്റെ ദുരിതത്തില് മനം നൊന്ത ഒരു അമ്മയുടെ രാജ്യത്തിനോടുള്ള ചോദ്യമാണിത്. മകന്റെ ആഗ്രഹസഫലീകരണത്തിന് പൂര്ത്തികരണം ലഭിക്കും മുമ്ബേ വിധി അവനെ തളര്ത്തി. സി ആര് പി എഫ് ജവാന് ജിതേന്ദ്രകുമാറിന്റെ അമ്മ കരഞ്ഞുകൊണ്ട് പറയുന്നു.
നോയിഡ പ്രകാശ് ആശുപത്രിയില് കഴിഞ്ഞ രണ്ടരവര്ഷമായി ഒന്ന് ചലിക്കാന് പോലുമാവാതെ കിടക്കുകയാണ് ജിതേന്ദ്രകുമാര്. എന്തിനും ഏതിനും പരസഹായം വേണം. ഛത്തീസ്ഗഡിലെ ബസ്തറില് ആംബുലന്സിന് നേരെയുണ്ടായ ആക്രമണത്തിലാണ് ജിതേന്ദ്രയ്ക്ക് ഗുരുതരമായി പരിക്കേല്ക്കുന്നത്. ജിതേന്ദ്രയുടെ ആദ്യ പോസ്റ്റിങ് 80ാമത് ബെറ്റാലിയനിലെ കോണ്സ്്റ്റബിള് ആയിട്ടായിരുന്നു. ബാസ്തറിലായിരുന്നു അത്. തെരഞ്ഞെടുപ്പ് ഉദ്യോഗസ്ഥരുടെ കാവിലിന് പോയ ജിതേന്ദ്ര സൈനിക ഉദ്യോഗത്തില് കയറി ഒരു വര്ഷം പിന്നിടുമ്ബോള് 2014 ഏപ്രിലിലാണ് ആ ആക്രമണം നടന്നത്.
ആക്രമണത്തില് രണ്ട് മെഡിക്കല് അറ്റന്ഡര്മാര് അടക്കം അഞ്ച് പേര് കൊല്ലപ്പെട്ടു. ഗുരുതരമായി പരുക്കേറ്റ ജിതേന്ദ്ര ശരീരം തളര്ന്ന് കഴിഞ്ഞ രണ്ടര വര്ഷമായി കിടപ്പുമായി. ജവാന്റെ ശുശ്രൂഷക്കായി മാതാപിതാക്കളെ സഹായിക്കാന് സി ആര് പി എഫ് രണ്ട് ജവാന്മാരെ ആശുപത്രിയില് നിയോഗിച്ചിട്ടുണ്ട്. രണ്ട് മാസം ജിതേന്ദ്ര വെന്റിലേറ്ററായിരുന്നു. ആരോഗ്യനിലയില് ചെറിയ പുരോഗതി കണ്ടപ്പോള് മുറിയിലേക്ക് മാറ്റി. ജിതേന്ദ്രയ്ക്ക് ബോധം പൂര്ണമായും ലഭിച്ചിട്ടില്ല. എങ്കിലും അദ്ദേഹം ഇപ്പോള് കോമയില് അല്ലെന്ന് ഡോക്ടര് വിഎസ് സോളങ്കി ഇന്ത്യന് എക്സ്പ്രസ്സിനോട് പറഞ്ഞു. ജിതേന്ദ്രയുടെ തലയിലും നട്ടെല്ലിനുമാണ് കാര്യമായി പരിക്കേറ്റത്.
അതുകൊണ്ട് തന്നെ ചലനശേഷി നഷ്ടപ്പെട്ടു. ചലനശേഷി തിരികെ ലഭിക്കാന് ഫിസിയോതെറാപ്പി നടത്തിയെങ്കിലും വലിയ പുരോഗതിയൊന്നും ഉണ്ടായില്ല. ബീഹാറിലെ മുസാഫര്പുര് ജില്ലയിലുള്ള ദൂബാ ഗ്രാമത്തിലെ കൂലിപ്പണിക്കാരനാണ് ജിതേന്ദ്രയുടെ അച്ഛന്. ജിതേന്ദ്രയുടെ ചികിത്സ തുടര്ന്നതോടെ നോയിഡയിലെ വീടുവിട്ട് മാതാപിതാക്കള് ആശുപത്രിയിലേക്ക് പോന്നു. കഴിഞ്ഞ 30 മാസമായി ഈ ആശുപത്രി മുറിയുടെ നാല് ചുമരുകള്ക്കുള്ളിലാണ് തങ്ങളുടെ ജീവിതമെന്ന് ജിതേന്ദ്രയുടെ അമ്മ ദേവി പറയുന്നു.വളരെ ബുദ്ധിമുട്ടിയാണ് ഞങ്ങള് ജീവിക്കുന്നത്.
ഒരു സി ആര് പി എഫ് ജവാന് ഇത്തരത്തില് നരകിക്കുമ്ബോള് ഒരാള് പോലും ശബ്ദമുയര്ത്തുന്നില്ല. മകന്റെ ആരോഗ്യം തിരിച്ചുനല്കണേ എന്നുമാത്രമാണ് കഴിഞ്ഞ രണ്ട് വര്ഷമായി ദൈവത്തോടുള്ള എന്റെ പ്രാര്ത്ഥന. രാജ്യത്തേയും ജനങ്ങളേയും സംരക്ഷിക്കുന്നവാണ് ജവാന്മാര്. അവരെ പ്രസവിക്കുന്ന അമ്മമാരും ഇവിടെയുണ്ട്. എന്നാല് രാജ്യസ്നേഹികളുടെ പതിവ് ബഹളമൊന്നും ഇപ്പോള് ഇല്ലെന്നും ദേവി പറയുന്നു.
https://www.facebook.com/Malayalivartha
