പതിനഞ്ചുകാരിയായ വിദ്യാര്ത്ഥിനിയെ പീഡിപ്പിച്ച ബിഹാര് എം.എല്.എയുടെ ജാമ്യം സുപ്രീം കോടതി റദ്ദാക്കി
പതിനഞ്ചുകാരിയായ വിദ്യാര്ത്ഥിനിയെ പീഡിപ്പിച്ച കേസില് ബിഹാര് എം.എല്.എയും ആര്.ജെ.ഡി നേതാവുമായിരുന്ന രാജ്ബല്ലാബ് യാദവിന്റെ ജാമ്യം സുപ്രീം കോടതി റദ്ദാക്കി. കഴിഞ്ഞമാസമാണ് ബിഹാര് കോടതി യാദവിന് ജാമ്യം അനുവദിച്ചത്. എന്നാല് സംസ്ഥാന സര്ക്കാര് സുപ്രീം കോടതിയെ സമീപിക്കുകയായിരുന്നു. പാര്ട്ടിയില് നിന്നും സസ്പെന്റ് ചെയ്യപ്പെട്ട പ്രതിക്ക് ജാമ്യം ലഭിച്ചതില് ലാലുപ്രസാദുമായി ബന്ധപ്പെട്ട രാഷ്ട്രീയക്കാരുടെ സഹായം ലഭിച്ചിരുന്നു എന്ന് പ്രതിപക്ഷമായ ബി.ജെ.പി ആരോപിച്ചിരുന്നു.
അറസ്റ്റിലായതിന് ശേഷം കീഴ്ക്കോടതിയില് നിരവധി തവണ ജാമ്യാപേക്ഷ നല്കിയിട്ടും എല്ലാം തള്ളിപോയതിനെ തുടര്ന്നാണ് രാജ്ബല്ലാബ് പാട്ന ഹൈക്കോടതിയെ സമീപിച്ചത്. ഒടുവില് ആറുമാസത്തെ ജയില്വാസത്തിനു ശേഷം ജാമ്യം ലഭിക്കുകയായിരുന്നു.
പ്രതിക്ക് പുറത്ത് ശക്തമായ ബന്ധങ്ങള് ഉള്ളതിനാല് ജാമ്യത്തില് പ്രതിഷേധിച്ച് പെണ്കുട്ടിയുടെ പിതാവ് രംഗത്തെത്തിയിരുന്നു. ജാമ്യം ലഭിച്ച ശേഷം ഇയാള് ലാലുപ്രസാദിനെ സന്ദര്ശിച്ചിരുന്നു. ഇക്കഴിഞ്ഞ ഏപ്രിലിലാണ് രാജ്ബല്ലാബിനെ പ്രധാന പ്രതിയാക്കി നളന്ദ പൊലീസ് കേസ് രജിസ്റ്റര് ചെയ്തത്. ഇക്കഴിഞ്ഞ ഫെബ്രുവരി ആറിന് ബിഹാറിലെ സ്വന്തം വീട്ടില് വച്ചാണ് പ്രതി പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ചതെന്നാണ് ആരോപണം. ചാര്ജ് ഷീറ്റില് ആര്.ജെ.ഡി നേതാവിന് പെണ്കുട്ടികളെ വിതരണം നടത്തുന്ന സുലേഖ ദേവിയുടെ അവരുടെ ബന്ധുക്കളുടെയും പേരും ഉള്പ്പെടും.
https://www.facebook.com/Malayalivartha
