ജനസംഖ്യയില്‍ ചൈനയെ പിന്തള്ളാനായി ഇന്ത്യയുടെ കുതിപ്പ്. 2024 ഓടെ ചൈനയെ പിന്തള്ളി ഇന്ത്യ ജനസംഖ്യയില്‍ ഒന്നാമത് എത്തിയേക്കുമെന്ന് യുഎന്‍ റിപ്പോര്‍ട്ടുകള്‍. 2022 ല്‍ ഇന്ത്യ ചൈനയെ മറികടക്കുമെന്നയിരുന്നു 2015 ല്‍ കണക്കുകൂട്ടിയിരുന്നത്.

നിലവില്‍ ചൈനയുടെ ജനസംഖ്യ 141 കോടിയും ഇന്ത്യയുടേത് 134 കോടിയുമാണ്. അതേസമയം 2023 ആകുമ്പോഴേയ്ക്കും ലോക ജനസംഖ്യ 800 കോടിയിലെത്തുമെന്നും യുഎന്‍ റിപ്പോര്‍ട്ടില്‍ പറയുന്നു.
ഇന്ത്യ, ചൈന, പാക്കിസ്ഥാന്‍, അമേരിക്ക എന്നീ രാജ്യങ്ങളാണ് ജനസംഖ്യാ വര്‍ധനവില്‍ കുതിക്കുന്നത്. ഐക്യരാഷ്ട്രസഭയുടെ വാര്‍ഷിക ജനസംഖ്യാ സര്‍വേയിലാണ് ഈ കണ്ടെത്തലുകള്‍. ലോക ജനസംഖ്യയില്‍ ആണുങ്ങളുടെ എണ്ണമായിരിക്കും കൂടുതലെന്നും ചൂണ്ടിക്കാട്ടുന്നു. ഓരോ വര്‍ഷവും ലോക ജനസംഖ്യയില്‍ 84 ലക്ഷം വീതമാണ് വര്‍ധനവുണ്ടാകുന്നത്. അതേസമയം ലോകത്ത് പ്രത്യൂത്പാദന നിരക്ക് കൂടുതലുള്ളത് ആഫ്രിക്കയിലെ തെക്കന്‍ സഹാറ ജില്ലകളിലാണെന്നും റിപ്പോര്‍ട്ടില്‍ വ്യക്തമാക്കുന്നു.