അമേരിക്കന്‍ സായുധക്കപ്പല്‍ ജീവനക്കാരുടെ ശിക്ഷ മദ്രാസ് ഹൈക്കോടതി റദ്ദാക്കി
ആയുധങ്ങളുമായി തൂത്തുക്കുടി തീരത്ത് പിടിയിലായ അമേരിക്കന്‍ കപ്പലായ എം.വി സീമാന്‍ ഗാഡ് ഒഹായോയിലെ ജീവനക്കാരുടെ ശിക്ഷ മദ്രാസ് ഹൈകോടതിയുടെ മധുര ബെഞ്ച് ജസ്റ്റിസ് എ.എം. ബഷീര്‍ റദ്ദാക്കി. സമുദ്രാതിര്‍ത്തിലംഘനവും ആയുധം കൈവശംവെക്കലും നിയമപ്രകാരം &ിയുെ;12 ഇന്ത്യക്കാരടക്കം 31പേര്‍ക്ക് തൂത്തുക്കുടി ജില്ലകോടതി വിധിച്ച അഞ്ച് വര്‍ഷം തടവും 3000 രൂപ പിഴയുമാണ് റദ്ദാക്കിയത്.
അനധികൃതമായി ഇന്ത്യന്‍തീരത്ത് തങ്ങിയതുള്‍പ്പെടെ കുറ്റംതെളിയിക്കുന്നതില്‍ പ്രോസിക്യൂഷന്‍ പരാജയപ്പെട്ടെന്ന് ചൂണ്ടിക്കാട്ടിയാണ് കേസ് തള്ളിയതെന്ന് പ്രതികള്‍ക്കുവേണ്ടി ഹാജരായ അഭിഭാഷകന്‍ പി. മുത്തുസ്വാമി അറിയിച്ചു. പ്രതികളില്‍ നിന്ന് ഈടാക്കിയ പണം തിരികെ ലഭിക്കുമെന്നും അദ്ദേഹം പറഞ്ഞു. ആയുധങ്ങളുമായി അമേരിക്കന്‍ കപ്പലായ സീമാന്‍ 2013 ഒക്‌ടോബറിലാണ് തൂത്തുക്കുടി തീത്ത് തീരരക്ഷാസേന പിടികൂടിയത്. ഒരാഴ്ചയിലേറെ തീരത്ത് തങ്ങിയ കപ്പലിന് ആവശ്യമുള്ള ഇന്ധനവും ജീവനക്കാര്‍ക്കുള്ള ഭക്ഷണവും മീന്‍പിടിത്തക്കാരെ സ്വാധീനിച്ചാണ് ഉറപ്പാക്കിയത്. അന്താരാഷ്ട്ര കപ്പല്‍ചാലില്‍ നിന്ന് വഴിതെറ്റി ഇന്ത്യന്‍തീരത്ത് എത്തുകയായിരുന്നുവെന്നാണ് ജീവനക്കാര്‍ മൊഴി നല്‍കിയത്.
കപ്പലില്‍ 23 സായുധ ഭടന്മാരും ക്യാപ്റ്റനുള്‍പ്പെടെ 12 ജീവനക്കാരും ഉണ്ടായിരുന്നു. ഓട്ടോമാറ്റിക് റൈഫിളുകളും തിരകളും മറ്റും കണ്ടെത്തി. 2014 ജനുവരിയില്‍ കുറ്റപത്രം നല്‍കി. അതേവര്‍ഷം മാര്‍ച്ചില്‍ ജാമ്യവും ലഭിച്ചു.
വാണിജ്യകപ്പലുകള്‍ക്ക് കടല്‍കൊള്ളക്കാരില്‍നിന്ന് സംരക്ഷണം നല്‍കുന്ന കപ്പലാണ് സീമാന്‍ ഗാര്‍ഡ് ഒഹായോ എന്നും ഇന്ത്യന്‍ സമുദ്രാതിര്‍ത്തി ലംഘിച്ചിട്ടില്ലെന്നും സോമാലിയന്‍ കടല്‍കൊള്ളക്കാരെ നേരിടാന്‍ പരിശീലനം നേടിയവരാണ് സായുധഭടന്മാരെന്നും കപ്പല്‍ കമ്പനിയായ അഡ്വാന്‍ ഫോര്‍ട്ട് വിശദീകരിച്ചു. പ്രതികള്‍ ഇപ്പോള്‍ ചെന്നൈ പുഴല്‍ സെന്‍ട്രല്‍ജയിലിലാണ്.
https://www.facebook.com/Malayalivartha
