ന്യൂഡൽഹി: രാജ്യത്ത്​ 36,000ത്തോളം റോഹിങ്ക്യകളുണ്ടെന്നും ഇവർക്ക്​ ഭീകര സംഘടനകളുമായി ബന്ധമുണ്ടാകാനുള്ള സാധ്യത തള്ളിക്കളയാനാകില്ലെന്നും ബി.എസ്​.എഫ്​. ഇൗ വർഷം ഒക്​ടോബർ 31വരെ അതിർത്തി രക്ഷാസേന ഇന്ത്യ ബംഗ്ലാദേശ്​ അതിർത്തിയിൽ 87 റോഹിങ്ക്യകളെ പിടികൂടിയതായും ഇവരിൽ 76 പേരെ ബംഗ്ലാദേശിലേക്ക്​ തിരിച്ചയച്ചതായും സേനാ ഡയറക്​ടർ ജനറൽ ​കെ .കെ. ശർമ പറഞ്ഞു.
രാജ്യത്തു കടന്ന റോഹിങ്ക്യകൾ പല സംസ്ഥാനങ്ങളിലായി ഉണ്ടെന്ന റിപ്പോർട്ടുകള് അടുത്ത സമയത്താണ് പുറത്തു വന്നത്. കേരളത്തിലും ബംഗാളികൾ എന്ന പേരിൽ ധാരാളം റോഹിങ്ക്യകൾ ഉള്ളതായി സംശയമുണ്ട്. രാജ്യം നേരിടുന്നത് മറ്റൊരു ഭീകര ബന്ധത്തിന്റെ പ്രതിസന്ധിയാണ്. ശർമ്മയുടെ വാക്കുകൾ ഈ സംശയങ്ങളെ കൂടുതൽ ബലപ്പെടുത്തുന്നു.

ഡിസംബർ ഒന്നിന്​ നടക്കുന്ന ബി.എസ്​.എഫി​​െൻറ 52ാമത്​ ഉയിർപ്പ്​ ദിനത്തോടനുബന്ധിച്ച്​ വാർത്തലേഖകരോട്​ സംസാരിക്കുകയായിരുന്നു അദ്ദേഹം. ഇതുവരെ പിടികൂടിയവരിൽനിന്ന്​ ആയുധങ്ങളോ വെടിക്കോപ്പുകളോ കണ്ടെടുത്തിട്ടില്ല. ആർക്കും ഭീകരബന്ധമുള്ളതായും മനസ്സിലാക്കാൻ കഴിഞ്ഞിട്ടില്ല. തനിക്ക്​ അവരെപ്പറ്റി സംശയമൊന്നുമില്ലെന്നും ശർമ പറഞ്ഞു. എന്നാൽ, റോഹിങ്ക്യൻ മുസ്​ലിംകൾ ​ ഏതെങ്കിലും ഭീകരസംഘടനകളുമായി ബന്ധപ്പെട്ടാലുണ്ടാകാവുന്ന പ്രത്യാഘാതം ഗുരുതരമായിരിക്കുമെന്ന്​ സഹ​സൈനിക വിഭാഗങ്ങൾ മുന്നറിയിപ്പ്​ നൽകിയിട്ടുണ്ടെന്നും അദ്ദേഹം കൂട്ടിച്ചേർത്തു