ഓഖി ദുരന്തത്തിനിരയായവരെ സന്ദര്ശിക്കാനായി പ്രധാനമന്ത്രി നരേന്ദ്ര മോദി കേരളത്തിലേക്ക്
17 DECEMBER 2017 10:33 AM IST
മലയാളി വാര്ത്ത
എന്നാല്, തിരുവനന്തപുരത്ത് വിഴിഞ്ഞം, പൂന്തുറ എന്നിവിടങ്ങളില് ഒരിടത്ത് മാത്രമാകും പ്രധാനമന്ത്രി സന്ദര്ശനം നടത്തുകയെന്നാണ് വിവരം. എസ്.പി.ജി സംഘവും ഡി.ജി.പി ലോക്നാഥ് ബെഹ്റയുടെ നേതൃത്വത്തിലെ പൊലീസും സുരക്ഷ സംബന്ധിച്ച കാര്യങ്ങള് ചര്ച്ച ചെയ്യാന് ഞായറാഴ്ച ഉന്നതതല യോഗം ചേരുന്നുണ്ട്. അതിനുശേഷമാകും എവിടെയാകും സന്ദര്ശനമെന്ന കാര്യത്തില് തീരുമാനമാകുക. പൂന്തുറ സന്ദര്ശനത്തിനായി തെരഞ്ഞെടുക്കാനാണ് സാധ്യത.
ഓഖി കെടുതി ദേശീയദുരന്തമായി പ്രഖ്യാപിക്കണമെന്ന് ലത്തീന് കത്തോലിക്കസഭയും പ്രത്യേക പാക്കേജ് പ്രഖ്യാപിക്കണമെന്ന് കോണ്ഗ്രസ് ഉള്പ്പെടെ രാഷ്ട്രീയപാര്ട്ടികളും ആവശ്യം ഉന്നയിച്ചിരിക്കുന്ന സാഹചര്യത്തിലാണ് മോദി കേരളത്തിലെത്തുന്നത്. ഓഖി ദുരന്തമുണ്ടായി ദിവസങ്ങള് കഴിഞ്ഞിട്ടും മോദി എത്താത്തതും മുഖ്യമന്ത്രിയെ വിളിച്ച് കാര്യങ്ങള് അന്വേഷിക്കാത്തതും വിമര്ശനങ്ങള്ക്ക് വഴിവെച്ചിരുന്നു. എ.ഐ.സി.സി അധ്യക്ഷന് രാഹുല് ഗാന്ധി തിരുവനന്തപുരത്ത് വിഴിഞ്ഞം, പൂന്തുറ സ്ഥലങ്ങള് സന്ദര്ശിക്കുകയും ചെയ്തു.
മോദി കേരളം സന്ദര്ശിക്കണമെന്ന് ബി.ജെ.പി കേരളഘടകവും ആവശ്യപ്പെട്ടിരുന്നു. ലത്തീന് കത്തോലിക്ക സഭാ നേതൃത്വവും ഈ ആവശ്യം ഉന്നയിച്ചിരുന്നു. ആ സാഹചര്യങ്ങളെല്ലാം പരിഗണിച്ചാണ് പ്രധാനമന്ത്രിയുടെ സന്ദര്ശനം.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
