ജ​മ്മു​കാ​ഷ്മീ​രിലെ എ​ട്ടു വ​യ​സു​കാ​രി​യാ​യ നാ​ടോ​ടി പെ​ൺ​കു​ട്ടി ആ​ഷി​ഫ​യെ ത​ട്ടി​ക്കൊ​ണ്ടു​പോ​യി ബലാത്സംഗം ചെയ്ത് കൊലപ്പെടുത്തിയ കേസിലെ പ്രതിയായ പോ​ലീ​സു​കാ​ര​നെ വി​ട്ട​യ​ക്ക​ണ​മെ​ന്നാ​വ​ശ്യ​വുമായി ഹി​ന്ദു എ​ക്ത മ​ഞ്ചി​ന്‍റെ നേ​തൃ​ത്വ​ത്തി​ൽ പ്ര​തി​ഷേ​ധം. സ്പെ​ഷ​ൽ പോ​ലീ​സ് ഓ​ഫീ​സ​ർ (സി​പി​ഒ) ദീ​പ​ക് ഖു​ജ​രി​യ​യും പ്രാ​യ​പൂ​ർ​ത്തി​യാ​വാ​ത്ത ഒ​രാ​ൺ​കു​ട്ടി​യും ചേ​ർ​ന്നാ​ണ് ആ​ഷി​ഫ​യെ ബലാത്സംഗം ചെയ്തതെന്ന് ക​ണ്ടെ​ത്തി​യി​രു​ന്നു. പെ​ൺ‌​കു​ട്ടി​യെ മൃ​ഗീ​യ​മാ​യി ബലാത്സംഗം ചെയ്തു കൊ​ന്ന പ്ര​തി​ക​ൾ തി​രി​ച്ച​റി​യാ​ത്ത​വി​ധം മൃ​ത​ദേ​ഹം വി​കൃ​ത​മാ​ക്കു​ക​യും ചെ​യ്തു.

നൂ​റു​ക​ണി​ക്കി​നാ​ളു​ക​ളാ​ണ് ദേ​ശീ​യ പ​താ​ക​യും വ​ഹി​ച്ചു​കൊ​ണ്ടുള്ള പ്ര​തി​ഷേ​ധ റാ​ലി​യി​ൽ പ​ങ്കെ​ടു​ത്ത​ത്. ബ​ലാ​ത്സം​ഗ കേ​സി​ലെ പ്ര​തി​യെ വി​ട്ടു​കി​ട്ടാ​ൻ‌ ദേ​ശീ​യ​പ​താ​ക വ​ഹി​ച്ചു​കൊ​ണ്ടു​ള്ള മാ​ർ​ച്ച് ഞെ​ട്ടി​ക്കു​ന്ന​താ​ണെ​ന്നാണ് മു​ഖ്യ​മ​ന്ത്രി മെ​ഹ​ബൂ​ബ മു​ഫ്തി പ​റയുന്നത്. നി​ര​പ​രാ​ധി​ക​ളെ​യാ​ണ് ക്രം​ബ്രാ​ഞ്ച് പി​ടി​കൂ​ടി​യി​രി​ക്കു​ന്ന​തെ​ന്നും കേ​സ് സി​ബി​ഐ​ക്ക് കൈ​മാ​റ​ണ​മെ​ന്നും ആ​വ​ശ്യ​പ്പെ​ട്ടാ​യി​രു​ന്നു മാ​ർ​ച്ച്. ജ​മ്മു-​പ​ത്താ​ൻ​കോ​ട്ട് ദേ​ശീ​യ​പാ​ത​യി​ലാ​യി​രു​ന്നു മാ​ർ​ച്ച് ന​ട​ന്ന​ത്. പ്ര​തി​യെ വി​ട്ട​യ​ക്കു​ന്ന​തു​വ​രെ പ്ര​തി​ഷേ​ധം അ​വ​സാ​നി​പ്പി​ക്കി​ല്ലെ​ന്ന് പ്ര​തി​ഷേ​ധ​ക്കാ​ർ പ​റ​യു​ന്നു. മാ​ർ​ച്ചി​ൽ പാ​ക്കി​സ്ഥാ​ൻ വി​രു​ദ്ധ മു​ദ്രാ​വാ​ക്യ​ങ്ങ​ളും ഉ​യ​ർ​ന്നു.