ഒരാഴ്ചത്തെ സന്ദര്ശനത്തിന് കനേഡിയന് പ്രധാനമന്ത്രി ഇന്ത്യയിലെത്തി
ഒരാഴ്ചത്തെ സന്ദര്ശനത്തിനായി കനേഡിയന് പ്രധാനമന്ത്രി ജസ്റ്റിന് ട്രൂഡൗ ഇന്ത്യയിലെത്തി. ഇരുരാജ്യങ്ങളിലെയും പൗരന്മാരുടെ തൊഴില് സാദ്ധ്യതയും പരസ്പര ബന്ധം ഉറപ്പിക്കുന്നതും മുന്നില് കണ്ടാണ് തന്റെ സന്ദര്ശനമെന്ന് അദ്ദേഹം ഇന്ത്യയിലേക്ക് തിരിക്കും മുമ്ബ് പ്രതികരിച്ചിരുന്നു. ഏഴ് ദിവസം നീണ്ട് നില്ക്കുന്ന സന്ദര്ശനത്തിനിടയില് നിരവധി കരാറുകള് അദ്ദേഹം ഒപ്പിടുമെന്നാണ് വിവരം.
അതേസമയം, ട്രൂഡൗവിന്റെ സന്ദര്ശനം കാനഡയിലെ ഇന്ത്യാക്കാര് പ്രതീക്ഷയോടെയാണ് കാണുന്നത്. ഏതാണ്ട് 14 ലക്ഷത്തോളം ഇന്ത്യാക്കാര് കാനഡയിലുണ്ടെന്നാണ് കണക്ക്. തന്റെ മന്ത്രിസഭയില് മോദിയുടേതിനേക്കാള് സിഖുകാരുണ്ടെന്ന് പ്രസ്താവന നടത്തിയ ട്രൂഡൗ ഇന്ത്യാക്കാരുടെ പ്രശംസയ്ക്ക് അര്ഹനായിരുന്നു.
സ്ഥാനമേറ്റെടുത്ത ശേഷം ഇതാദ്യമായാണ് ജസ്റ്റിന് ട്രൂഡൗ ഇന്ത്യയിലെത്തുന്നത്. സിവില് ആണവ സഹകരണം, സ്പെയ്സ് റിസര്ച്ച്, പ്രതിരോധം, ഊര്ജം, വിദ്യാഭ്യാസം തുടങ്ങിയ മേഖലകളില് ഇന്ത്യന് പ്രതിനിധികളുമായി അദ്ദേഹം ചര്ച്ച നടത്തും. കൂടാതെ പ്രമുഖ ഇന്ത്യന് ബിസിനസുകാരുമായി ചര്ച്ച നടത്തുന്ന അദ്ദേഹം ആഗ്രയിലെ താജ്മഹല്, അമൃതസറിലെ സുവര്ണക്ഷേത്രം, ഡല്ഹിയിലെ ജുമാ മസ്ജിദ് തുടങ്ങിയ സ്ഥലങ്ങളും സന്ദര്ശിക്കും.
കഴിഞ്ഞ വര്ഷം ഇരുരാജ്യങ്ങളും തമ്മില് കയറ്റുമതി,ഇറക്കുമതി ഇനത്തില് 8.4 ബില്യന് ഡോളറിന്റെ (ഏകദേശം 5400 കോടി രൂപ) വ്യാപാരം നടന്നിരുന്നു. ഓര്ഗാനിക് കെമിക്കല്സ്, ഫാര്മസ്യൂട്ടിക്കല് ഉത്പന്നങ്ങള്, തുണിത്തരങ്ങള്, സൈക്കിള്, ഇരുചക്ര വാഹനങ്ങള് തുടങ്ങിയവയാണ് ഇന്ത്യ കാനഡയിലേക്ക് കയറ്റുമതി ചെയ്യുമ്ബോള് പച്ചക്കറി, പേപ്പര്, വളം, ഇരുമ്ബ് , സ്റ്റീല്, വിലകൂടിയ കല്ലുകള് തുടങ്ങിയവ തിരിച്ചുമെത്തുന്നു.
https://www.facebook.com/Malayalivartha
