ത​മി​ഴ്​​നാ​ട്ടി​ല്‍ കാ​ഞ്ചീ​പു​രം​ ഉ​ത്തി​ര​മേ​രൂ​ര്‍​ പാ​ളേ​ശ്വ​ര​ത്ത്​ മ​ല​യാ​ളി വൈ​ദി​ക​ന്‍ ന​ട​ത്തി​വ​ന്ന അ​ന​ധി​കൃ​ത വൃ​ദ്ധ​സ​ദ​നം അ​ട​ച്ചു​പൂ​ട്ടി. ഇവിടെ ദു​രൂ​ഹ മ​ര​ണ​ങ്ങ​ളും അ​വ​യ​വ​ക​ച്ച​വ​ട​വും നടക്കുന്നുവെന്ന ആ​രോ​പ​ണ​ങ്ങ​ളെ തു​ട​ര്‍​ന്നാണ് പൂട്ടിയത്. റോ​മ​ന്‍ ക​ത്തോ​ലി​ക്ക സ​ഭ വൈ​ദി​ക​നാ​യ എ​റ​ണാ​കു​ളം സ്വ​ദേ​ശി ഫാ. ​ആ​ര്‍.​വി. തോ​മ​സ് ചുമതല വഹിച്ചിരുന്ന സെന്റ് ജോ​സ​ഫ്​​സ്​ വൃ​ദ്ധ​സ​ദ​ന​ത്തിൽ ഒ​രു​മാ​സ​ത്തി​നി​ടെ മരിച്ചത് 60 പേ​രാ​ണ്.

അ​വ​യ​വ​ങ്ങ​ള്‍ വി​ദേ​ശ​ത്തേ​ക്ക്​ ക​ട​ത്തു​ന്ന റാ​ക്ക​റ്റു​മാ​യി ​ന​ട​ത്തി​പ്പു​കാ​ര്‍​ക്ക്​ ബ​ന്ധ​മു​ണ്ടെ​ന്നാ​രോ​പി​ച്ച്‌​ നാ​ട്ടു​കാ​ര്‍ സ​മ​ര​ത്തി​ലാ​ണ്. 2014 നു​ശേ​ഷം വൃ​ദ്ധ​സ​ദ​ന​ത്തി​​ന്റെ അ​നു​മ​തി പു​തു​ക്കി​യ​തി​ലും ക്ര​മ​ക്കേ​ട് ന​ട​ന്നി​ട്ടു​ണ്ട്. ഏ​ഴ്​ വ​ര്‍​ഷ​മാ​യി പ്ര​വ​ര്‍​ത്തി​ക്കു​ന്ന സ്​​ഥാ​പ​ന​ത്തോ​ട്​ ചേ​ര്‍​ന്ന്​ അ​നുമ​തി​യി​ല്ലാ​തെ നി​ര്‍​മി​ച്ച ക​ല്ല​റ​യി​ല്‍ 1,600 പേ​രു​ടെ മൃ​ത​ദേ​ഹം സം​സ്ക​രി​ച്ചി​ട്ടു​ണ്ടെ​ന്ന്​ റ​വ​ന്യൂ, പൊ​ലീ​സ്, സാ​മൂ​ഹി​ക ക്ഷേ​മ, ആ​രോ​ഗ്യ​വ​കു​പ്പ്​ ഉ​ദ്യോ​ഗ​സ്​​ഥ​ര​ട​ങ്ങി​യ അ​ന്വേ​ഷ​ണ സം​ഘം സ​ര്‍​ക്കാ​റി​ന്​ റി​പ്പോ​ര്‍​ട്ട്​ ന​ല്‍​കിയിട്ടുണ്ട്. അ​ട​ക്കം ചെ​യ്യു​ന്ന​വ​രു​ടെ അ​സ്ഥി​ക​ള്‍ സ്വ​കാ​ര്യ ആ​ശു​പ​ത്രി​ക​ളി​ലേ​ക്ക്​ പ​ഠ​നാ​വ​ശ്യ​ത്തി​നും മ​റ്റു​ചി​ല കേ​ന്ദ്ര​ങ്ങ​ളി​ലേ​ക്കും ക​ട​ത്തി​യി​രു​ന്ന​താ​യി നാ​ട്ടു​കാ​ര്‍ പറയുന്നു.