ബി.ജെ.പിയെ തോല്പ്പിക്കാന് യു.പിയില് മായാവതിയും അഖിലേഷും ഒന്നിക്കുന്നു ;ഉപതിരഞ്ഞെടുപ്പില് ഇരുപാര്ട്ടികളും ഒരുമിച്ച് പോരാടുമെന്ന് സമാജ്വാദി പാര്ട്ടി വക്താവ്
വരുന്ന ലോക്സഭാ തിരഞ്ഞെടുപ്പില് ബി.ജെ.പിയുടെ മുന്നേറ്റം തടയാനായി ഉത്തര് പ്രദേശില് മായാവതിയുടെ ബഹുജന് സമാജ്വാദി പാര്ട്ടിയും (ബി.എസ്.പി) രാഷ്ട്രീയ എതിരാളി അഖിലേഷ് യാദവിന്റെ സമാജ്വാദി പാര്ട്ടിയും ഒന്നിക്കുന്നു. സംസ്ഥാനത്ത് ഭുല്പൂര്, ഗോരഖ്പൂര് മണ്ഡലങ്ങളില് ഉടന് നടക്കാനിരിക്കുന്ന ഉപതിരഞ്ഞെടുപ്പില് ഇരുപാര്ട്ടികളും ഒരുമിച്ച് പോരാടുമെന്ന് സമാജ്വാദി പാര്ട്ടി വക്താവ് പാന്കുറി പഥക് ട്വിറ്ററിലൂടെ വ്യക്തമാക്കി. അതേസമയം, ബീഹാറില് ബി.ജെ.പിക്ക് തലവേദനയായിരുന്ന മഹാസഖ്യം വീണ്ടും ശക്തമാകുന്നതിന്റെ സൂചനയാണ് ഇരുപാര്ട്ടികളുടെയും സഖ്യമെന്ന് രാഷ്ട്രീയ വിദഗ്ദ്ധര് വിലയിരുത്തുന്നു.
കഴിഞ്ഞ വര്ഷം നടന്ന യു.പി നിയമസഭാ തിരഞ്ഞെടുപ്പിന് ശേഷം മുഖ്യമന്ത്രി യോഗി ആദിത്യനാഥും ഉപമുഖ്യമന്ത്രി കേശവ് പ്രസാദ് മൗര്യയും രാജിവച്ചതിനെ തുടര്ന്ന് ഒഴിവ് വന്ന രണ്ട് ലോക്സഭാ സീറ്റുകളിലേക്ക് മാര്ച്ച് 11നാണ് ഉപതിരഞ്ഞെടുപ്പ് നടക്കുന്നത്. നിയമസഭാ തിരഞ്ഞെടുപ്പില് സമാജ്വാദി പാര്ട്ടിയെയും ബിഎസ്.പിയെയും നിഷ്പ്രഭരാക്കിയ ബി.ജെ.പി വന് പ്രകടനമാണ് കാഴ്ച വച്ചത്. ഇതിന് പിന്നാലെ തന്നെ ഇരുപാര്ട്ടികളും ഒരുമിച്ച് മത്സരിക്കുമെന്ന് അഭ്യൂഹങ്ങള് പരന്നിരുന്നുവെങ്കിലും അത്തരത്തില് സഖ്യമുണ്ടാക്കില്ലെന്നാണ് ഇതുവരെയും നേതൃത്വം പ്രതികരിച്ചിരുന്നത്. എന്നാല് ബി.ജെ.പിയെ തോല്പ്പിക്കേണ്ടത് കാലഘട്ടത്തിന്റെ ആവശ്യമായതിനാല് സമാജ്വാദി പാര്ട്ടിയെ പിന്തുണയ്ക്കാന് ബി.എസ്.പി തീരുമാനിക്കുകയായിരുന്നു എന്നാണ് പാര്ട്ടി നേതൃത്വം നല്കുന്ന വിശദീകരണം.
ബി.ജെ.പിയെ തോല്പ്പിക്കാന് ഞങ്ങള് സമാജ്വാദി പാര്ട്ടിയുമായി ചര്ച്ചകള് നടത്തിക്കൊണ്ടിരിക്കുകയാണെന്ന് ബി.എസ്.പി അലഹബാദ് സോണല് ഇന്ചാര്ജ് ഗുമാര് ഗൗതം വ്യക്തമാക്കി. ബി.ജെ.പിയുടെ മുന്നേറ്റം തടുക്കാന് എല്ലാ വിധത്തിലുള്ള പ്രവര്ത്തനങ്ങളും നടത്തണമെന്നാണ് മായാവതിയുടെ തീരുമാനം. ഇപ്പോള് ബി.ജെ.പിയെ തോല്പ്പിക്കാനാണ് സമാജ്വാദി പാര്ട്ടി ശ്രമിക്കുന്നത്. അതുകൊണ്ടാണ് ഞങ്ങള് അവരെ പിന്തുണക്കുന്നത്. ഈ സഖ്യം കാലഘട്ടത്തിന്റെ ആവശ്യമാണെന്നും അദ്ദേഹം കൂട്ടിച്ചേര്ത്തു. എന്നാല് തങ്ങള് നിലവില് ആരുമായും സഖ്യത്തില് ഏര്പ്പെട്ടിട്ടില്ലെന്നാണ് മായാവതിയുടെ പ്രതികരണം.
ഭുല്പൂര് മണ്ഡലത്തില് ബി.ജെ.പിയും സമാജ്വാദി പാര്ട്ടിയും ഒ.ബി.സി സ്ഥാനാര്ത്ഥികളെ രംഗത്തിറക്കിയപ്പോള് പ്രാദേശിക നേതാവായ മനീഷ് മിശ്രയാണ് കോണ്ഗ്രസിന്റെ സ്ഥാനാര്ത്ഥി. എന്നാല് യോഗി ആദിത്യനാഥിന്റെ സ്വന്തം മണ്ഡലമായ ഗോരഖ്പൂരില് ബി.ജെ.പി പുതുമുഖമായ ഉപേന്ദ്ര ശുക്ലയെയാണ് സ്ഥാനാര്ത്ഥിയാക്കിയത്. അതേസമയം, ഗോരഖ്പൂരിലെ അഭിമാന പോരാട്ടത്തില് ബി.ജെ.പിയ്ക്കാണ് മുന്തൂക്കമെന്നാണ് റിപ്പോര്ട്ടുകള് സൂചിപ്പിക്കുന്നത്.
https://www.facebook.com/Malayalivartha
