കലാപഭൂമിയായി ത്രിപുര ... ആക്രമണത്തിനിടെ ഒന്പതുമാസം ഗര്ഭിണിയടക്കം രണ്ടുപേര് കൊല്ലപ്പെട്ടു
ത്രിപുരയില് ബിജെപിആര്എസ്എസ് ഭീകരതാണ്ഡവം. ഹീനമായ ആക്രമണത്തിനിടെ ഗര്ഭിണിയടക്കം രണ്ടുപേര് കൊല്ലപ്പെട്ടു. ദക്ഷിണ ത്രിപുരയില് കൊല്ലപ്പെട്ട സഞ്ജു പട്ടാരിര്ബോ ഒന്തുമാസം ഗര്ഭിണിയായിരുന്നു.
ക്യാംബര് ബസാറിനുസമീപം മര്ദനമേറ്റ് കൊല്ലപ്പെട്ട നിലയില് ചൊവ്വാഴ്ച വൈകിട്ട് കണ്ടെത്തിയ യുവാവിന്റെ മൃതദേഹം തിരിച്ചറിഞ്ഞിട്ടില്ല. തെരഞ്ഞെടുപ്പുവിജയശേഷം സിപിഐ എം, ഇടതുമുന്നണി പ്രവര്ത്തകര്ക്കും അനുഭാവികള്ക്കുമെതിരെ ബിജെപി തുടങ്ങിയ ആക്രമണം മറ്റുള്ളവര്ക്കുനേരെയും വ്യാപിപ്പിച്ചു. അഞ്ഞൂറിലേറെ പേര്ക്ക് പരിക്കേറ്റു.
ദക്ഷിണ ത്രിപുരയിലെ ബലോനിയ പട്ടണത്തിലെ ലെനിന് പ്രതിമ ബിജെപിക്കാര് ബുള്ഡോസര് ഉപയോഗിച്ച് ഇടിച്ചുതകര്ത്തു. പ്രതിമയുടെ ശിരസ്സ് വേര്പെടുത്തി കാല്കൊണ്ട് തട്ടിക്കളിച്ചു. സബ്രൂമിലും ലെനിന്റെ പ്രതിമ തകര്ത്തു. അംബേദ്കര് ഉള്പ്പെടെയുള്ളവരുടെ പ്രതിമകളും തകര്ക്കപ്പെട്ടു. പലയിടങ്ങളിലും പള്ളികള് ആക്രമിക്കപ്പെട്ടു.
സംസ്ഥാനത്തിന്റെ വിവിധ ഭാഗങ്ങളിലായി ഇരുനൂറോളം വീടുകള്ക്ക് അക്രമികള് തീയിട്ടു. 135 പാര്ടി ഓഫീസുകള് തകര്ത്തു. 200ല്പരം പാര്ടി ഓഫീസുകള് കൈയേറി. വര്ഗബഹുജനസംഘടനകളുടെ ഓഫീസുകളും ആക്രമിക്കുകയോ കൈയേറുകയോ ചെയ്തു. 1600 വീടുകള്ക്കുനേരെ ആക്രമണമുണ്ടായി. ഒട്ടേറെ വാഹനങ്ങള് കത്തിച്ചു. പലയിടത്തും വീടുകളും ഓഫീസുകളും തകര്ത്തു. റേഷന് കാര്ഡും വിദ്യാഭ്യാസരേഖകളും ഉള്െപ്പടെ പിടിച്ചെടുത്ത് കത്തിച്ചു. ചെറുക്കാന് ശ്രമിച്ചവരെ ക്രൂരമായി തല്ലിച്ചതച്ചു.
വീടുകള് കൊള്ളയടിച്ച സംഘങ്ങള് ഗൃഹോപകരണങ്ങള് തല്ലിത്തകര്ത്തു. ചെറുത്തുനിന്ന സ്ത്രീകളെ ബലാത്സംഗംചെയ്യുമെന്ന് ഭീഷണിപ്പെടുത്തി.'ഭാരത് മാതാ കീ ജയ്' വിളിച്ചാണ് ബിജെപിആര്എസ്എസുകാര് ലെനിന്റെ പ്രതിമ തകര്ത്തതെന്ന് സിപിഐ എം ജില്ലാ സെക്രട്ടറി തപസ് ദത്ത പറഞ്ഞു. അക്രമികളുടെ നടപടിയെ ഗവര്ണര് തഥാഗത റോയി ന്യായീകരിക്കാന് ശ്രമിച്ചു.
ഒരു ജനാധിപത്യ സര്ക്കാര് ചെയ്ത കാര്യങ്ങള് അടുത്ത സര്ക്കാര് വരുമ്ബോള് ഇല്ലാതാക്കുന്നത് സ്വാഭാവികമാണെന്നാണ് ഗവര്ണറുടെ ട്വീറ്റ്. ലെനിന്പ്രതിമ തകര്ക്കല് ആവേശകരമാണെന്ന് ബിജെപി ദേശീയ ജനറല് സെക്രട്ടറി രാം മാധവ് ട്വീറ്റ് ചെയ്തു. ആര്എസ്എസിന്റെ യഥാര്ഥ സ്വഭാവമാണ് വ്യക്തമാകുന്നതെന്ന് സിപിഐ എം ജനറല് സെക്രട്ടറി സീതാറാം യെച്ചൂരി പറഞ്ഞു.
ലെനിന്റെ പ്രതിമ തകര്ത്തത് അങ്ങേയറ്റം അപലപനീയമാണെന്ന് സഫ്ദര് ഹഷ്മി സ്മാരക ട്രസ്റ്റിന്റെ നേതൃത്വത്തില് നൂറോളം സാംസ്കാരികപ്രവര്ത്തകര് സംയുക്തപ്രസ്താവനയില് പറഞ്ഞു. ഇന്ത്യന് ദേശീയപ്രസ്ഥാനത്തിന്റെ സുഹൃത്തായിരുന്ന ലെനിന്, കോളനിരാജ്യങ്ങളിലെ വിമോചനപ്രസ്ഥാനങ്ങളുടെ വഴികാട്ടിയായിരുന്നു. ഒരു തെരഞ്ഞെടുപ്പ് വിജയത്തിനുശേഷം ഇത്തരം ആക്രമണങ്ങള്ക്ക് ജനാധിപത്യത്തില് സ്ഥാനമില്ലെന്ന് പ്രസ്താവനയില് പറഞ്ഞു.
ബിജെപി പ്രവര്ത്തകര്തന്നെയാണ് ആക്രമണങ്ങള് നടത്തുന്നതെന്ന് സംസ്ഥാന വൈസ് പ്രസിഡന്റ് സുബാല് ഭൗമിക് സമ്മതിച്ചു. മറ്റ് പാര്ടികളില്നിന്ന് ബിജെപിയില് എത്തിയവരാണ് കുഴപ്പം സൃഷ്ടിക്കുന്നതെന്നും ആക്രമണങ്ങളില് പങ്കുള്ളവരെ ബിജെപിയില്നിന്ന് പുറത്താക്കുമെന്നുമാണ് അദ്ദേഹത്തിന്റെ വാദം. ത്രിപുരയിലെ ആക്രമണം തടയാന് ഇടപെടണമെന്ന് ആവശ്യപ്പെട്ട് പ്രധാനമന്ത്രി നരേന്ദ്ര മോഡിക്ക് സിപിഐ എം പൊളിറ്റ്ബ്യൂറോ അംഗം മുഹമ്മദ് സലിമിന്റെ നേതൃത്വത്തില് നിവേദനം നല്കി.
പണവും പേശീബലവും ഉപയോഗിച്ച് തെരഞ്ഞെടുപ്പിനെ സ്വാധീനിച്ച് വിജയം നേടിയശേഷമാണ് ആര്എസ്എസും ബിജെപിയും നിഷ്ഠുരമായ ആക്രമണങ്ങള് അഴിച്ചുവിട്ടിരിക്കുന്നതെന്ന് സിഐടിയു ചൂണ്ടിക്കാട്ടി.
https://www.facebook.com/Malayalivartha
