കാര്‍ഷിക കടങ്ങള്‍ മുഴുവനായും എഴുതി തള്ളണം എന്ന ആവശ്യം ഉന്നയിച്ച് സിപിഐഎമ്മിന്റെ നേതൃത്വത്തിലുള്ള കര്‍ഷക സംഘടന പ്രക്ഷോഭത്തിലേക്ക്...
മഹാരാഷ്ട്രയില്‍ വന്‍ കര്‍ഷക പ്രക്ഷോഭം. കാര്‍ഷിക കടങ്ങള്‍ മുഴുവനായും എഴുതി തള്ളണം എന്ന ആവശ്യം ഉന്നയിച്ചാണ് സിപിഐഎമ്മിന്റെ നേതൃത്വത്തിലുള്ള കര്‍ഷക സംഘടന പ്രക്ഷോഭം സംഘടിപ്പിച്ചിരിക്കുന്നത്. അഖില ഭാരതീയ കിസാന്‍ സഭയുടെ നേതൃത്വത്തിലാണ് നാസിക്ക് മുതല്‍ മുംബൈ വരെ കര്‍ഷക മഹാറാലി സംഘടിപ്പിക്കുന്നത്. 20,000 കര്‍ഷകരുമായി നാസിക്കില്‍ നിന്നും ചൊവ്വാഴ്ചയാണ് കര്‍ഷകര്‍ പ്രക്ഷോഭറാലി ആരംഭിച്ചത്. മാര്‍ച്ച്‌ 12 നാണ് റാലി മുംബൈയില്‍ എത്തിച്ചേരുന്നത്.
നിലവില്‍ ഇപ്പോള്‍ ഒരു ലക്ഷത്തോളം ആളുകള്‍ റാലിയില്‍ അണിചേര്‍ന്നതായാണ് ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നത്. കടങ്ങള്‍ എഴുതിതള്ളുന്നതിന് പുറമെ സ്വാമി നാഥന്‍ കമ്മീഷന്‍ റിപ്പോര്‍ട്ട് നടപ്പിലാക്കാനും കര്‍ഷകര്‍ ആവശ്യപ്പെടുന്നു.
വനഭൂമി കര്‍ഷകര്‍ക്കായി വിട്ടു നല്‍കുക, വിളനാശം സംഭവിച്ച കര്‍ഷകര്‍ക്ക് 40,000 രൂപ നഷ്ടപരിഹാരം നല്‍കുക, കര്‍ഷകര്‍ക്ക് നല്‍കിയ വാഗ്ദാനങ്ങള്‍ പാലിക്കുക എന്നീ ആവശ്യങ്ങളും കര്‍ഷകര്‍ ഉന്നയിക്കുന്നു.
https://www.facebook.com/Malayalivartha
