ആന്ധ്രാപ്രദേശിയന് പ്രത്യേക പദവിയും പാക്കേജും കേന്ദ്രസര്‍ക്കാര്‍ അനുവദിക്കാത്തില്‍ പ്രതിഷേധിച്ച് രണ്ട് കേന്ദ്രമന്ത്രിമാര്‍ കഴിഞ്ഞയാഴ്ച രാജിവച്ചിരുന്നു. പ്രത്യേകപദവി നല്‍കാനാവില്ലെന്ന് കേന്ദ്രധനമന്ത്രി അരുണ്‍ ജെയ്റ്റ്‌ലി അറിയിച്ചിരുന്നു. തുടര്‍ന്നാണ് മന്ത്രിമാരായ അശോക് ഗജപതി രാജുവും വൈ.എസ് ചൗധരിയും രാജിവെച്ചത്. ലോക്‌സഭയില്‍ 16 എം.പിമാരും രാജ്യസഭയില്‍ ആറ് എം.പിമാരുമാണ് തെലുങ്ക് ദേശം പാര്‍ക്കുള്ളത്. ഈ അംഗബലം കൂടി കണക്കിലെടുത്താണ് പുതിയ സംസ്ഥാനമായ ആന്ധ്രയെ രക്ഷപെടുത്താന്‍ ചന്ദ്രബാബു നായിഡു പ്രധാനമന്ത്രിയെ കാണാന്‍ പോയത്. ഒന്നല്ല 29 തവണ. ഒരു ഫലവും ഉണ്ടായില്ല.

മന്ത്രിമാരുടെ രാജിക്ക് മുമ്പ് ചന്ദ്രബാബുനായിഡു ഡല്‍ഹിയിലെത്തി പ്രധാനമന്ത്രിയുമായി പത്ത് മിനിറ്റോളം ചര്‍ച്ച നടത്തിയിരുന്നു. അതിലും ഫലം കണ്ടില്ല. ഇതോടെ ആന്ധ്രസര്‍ക്കാരിലുണ്ടായിരുന്ന രണ്ട് ബി.ജെ.പി മന്ത്രിമാരും രാജിവെച്ചു. കെ.ശ്രീനിവാസ റാവുവും ടി.മാണിക്യാല റാവുവുമാണ് ചന്ദ്രബാബുവിന് രാജി നല്‍കിയത്. സംസ്ഥാനത്തിനുള്ള കേന്ദ്രഫണ്ട് കേന്ദ്രസംഘം തടഞ്ഞുവെച്ചെന്നും ചന്ദ്രബാബു നായിഡു ആരോപിച്ചു. ഐ.ഐ.ടി അടക്കം 19 വാഗ്ദാനങ്ങളാണ് കേന്ദ്രസര്‍ക്കാര്‍ നല്‍കിയിരുന്നത്. പല തവണ മുന്നണിവിടുമെന്ന് ചന്ദ്രബാബു നായിഡു ഭീഷണി മുഴക്കിയിരുന്നു. ഇതേ തുര്‍ന്ന് മോദി ആന്ധ്രയിലെത്തിയപ്പോള്‍ പൊതുവേദിയില്‍ നിന്ന് ചന്ദ്രബാബു നായിഡു വേദി വിട്ടിറങ്ങി, ഉടന്‍ തന്നെ പ്രധാനമന്ത്രി നരേന്ദ്രമോദി അദ്ദേഹത്തിന്റെ കൈക്ക് ബലമായി പിടിച്ച് വലിച്ച് കസേരയില്‍ കൊണ്ടിരുത്തുകയായിരുന്നു. അതിന്റെ വീഡിയോ വൈറലായി.