ഗൗരി ലങ്കേഷ് വധത്തില് ഗോവ സ്ഫോടനക്കേസ് പ്രതിക്ക് പങ്കുണ്ടെന്ന് പോലീസ് ; സനാതന് സന്സ്ത പ്രവര്ത്തകനായ ഇയാള് ഒളിവിലെന്ന് എന്.ഐ .എ ; പ്രതിക്കെതിരെ കോര്ണര് നോട്ടീസ് പുറപ്പെടുവിച്ച് ഇന്റര് പോള്
ഒമ്പതു വര്ഷം മുമ്പ് നടന്ന ഗോവ സ്ഫോടനക്കേസിലെ പ്രതിക്ക് ഗൗരി ലങ്കേഷ് വധവുമായും ബന്ധമുണ്ടെന്ന് പൊലീസ്. 2009 ഒക്ടോബര് 19ലെ മഡ്ഗാവ് സ്ഫോടനത്തില് പ്രധാന പങ്ക് വഹിച്ച മഹാരാഷ്ട്ര കോലപൂര് സ്വദേശിയായ പ്രതി പ്രവീണ് ലിംകറിനാണ് (34) ഗൗരി ലങ്കേഷ് വധവുമായും ബന്ധമുള്ളത്. സനാതന് സന്സ്ത പ്രവര്ത്തകനായ ഇയാള് ഗോവ സ്ഫോടന കേസുമായി ബന്ധപ്പെട്ട് ഒളിവിലാണ്. എന്.ഐ .എ യുടെ ആവശ്യ പ്രകാരം സ്ഫോടന കേസില് ഇന്റര് പോള് ഇയാള്ക്കെതിരെ റെഡ്- കോര്ണര് നോട്ടീസ് പുറപ്പെടുവിച്ചിരുന്നു.
കേസില് എന്.ഐ .എ കുറ്റം ചുമത്തിയതോടെ ലിംകറും മൂന്നു കൂട്ടു പ്രതികളും ഒളിവില് പോവുകയായിരുന്നു. ദീപാവലി പരിപാടി അലങ്കോലപ്പെടുത്താനായി സ്ഫോടക വസ്തുക്കള് കൊണ്ടുപോകുന്നതിനിടെയായിരുന്നു ഗോവയിലെ മഡ്ഗാവില് സ്ഫോടനം നടന്നത്. സംഭവത്തില് രണ്ട് സനാതന് സന്സ്ത പ്രവര്ത്തകര് കൊല്ലപ്പെട്ടിരുന്നു.
മാംഗ്ലൂരില് നിന്നുള്ള ജയപ്രകാശ്(45), പുനെയില് നിന്നുള്ള സാരംഗ് അകോല്ക്കര് (38), സാന്ഗ്ലി സ്വദേശിയായ രുദ്ര പാട്ടീല് (37) എന്നിവരും ലിംകറിനൊപ്പം ഒളിവിലായിരുന്നു. നാലു പേര്ക്കെതിരെയും ഇന്റര്പോള് നോട്ടീസ് പുറപ്പെടുവിച്ചിരുന്നു.
2017 സെപ്തംബര് അഞ്ചിന് ബംഗളൂരുവിലെ വസതിയിലാണ് മാധ്യമപ്രവര്ത്തകയായ ഗൗരി ലങ്കേഷ് കൊല്ലപ്പെട്ടത്. സംഭവവുമായി ബന്ധപ്പെട്ട് സനാതന് സന്സ്തയുമായി ബന്ധം പുലര്ത്തുന്ന ഹിന്ദു യുവ സേന പ്രവര്ത്തകന് കെ.ടി. നവീന് കുമാര് (37) നെ മാര്ച്ച് രണ്ടിന് പ്രത്യേകാന്വേഷണ സംഘം പിടികൂടിയിരുന്നു. ഇയാള് നല്കിയ വിവരമനുസരിച്ചാണ് പ്രവീണിനെ തിരിച്ചറിഞ്ഞത്.
https://www.facebook.com/Malayalivartha
