കൊല്‍ക്കത്തയിലെ ഏറ്റവും വലിയ കെട്ടിടമായ ചാറ്റര്‍ജി ഇന്റര്‍നാഷണലില്‍ തീപിടിച്ചു. കെട്ടിടത്തിന്റെ 15, 16 നിലകളിലാണ് തീപിടിച്ചത്. ആളപായം റിപ്പോര്‍ട്ട് ചെയ്തിട്ടില്ല. ഓഫിസ് സമയത്തിനു മുന്‍പ് തീപിടുത്തം ഉണ്ടായതിനാല്‍ ആരെങ്കിലും കെട്ടിടത്തിനുള്ളില്‍ അകപ്പെട്ടിട്ടുണ്ടോയെന്ന് ഉറപ്പില്ലെന്ന് ഉദ്യോഗസ്ഥര്‍ പറഞ്ഞു. ഈ കെട്ടിടത്തില്‍ വീടുകളും നിരവധി സ്വകാര്യ ഓഫിസുകളും പ്രവര്‍ത്തിക്കുന്നുണ്ട്. തീപിടുത്തത്തിന്റെ കാരണം വ്യക്തമല്ല

അഗ്നിശമനസേനയുടെ നാലു യൂണിറ്റുകള്‍ സംഭവസ്ഥലത്തേക്കു പുറപ്പെട്ടു. രക്ഷാപ്രവര്‍ത്തനം പുരോഗമിക്കുന്നു.