ജയലളിത ആശുപത്രിയിലായത് കുളിമുറിയില് തലചുറ്റിവീണ്; ശശികലയുടെ സത്യവാങ്മൂലം പുറത്ത്
കുളിമുറിയില് തലചുറ്റി വീണതിനെത്തുടര്ന്നാണ് അന്തരിച്ച തമിഴ്നാട് മുന് മുഖ്യമന്ത്രി ജെ. ജയലളിതയെ അപ്പോളോ ആശുപത്രിയില് പ്രവേശിപ്പിച്ചതെന്ന് അടുത്ത സഹായിയായിരുന്ന വി.കെ. ശശികലയുടെ സത്യവാങ്മൂലം. പ്രസക്തഭാഗങ്ങള് ഇങ്ങനെ...
2016 സെപ്റ്റംബര് 22 രാത്രി ഒന്പതുമണിക്ക് കുളിമുറിയില് തലചുറ്റിവീണ ജയലളിതയെ ശശികല എടുത്തു കിടക്കിയില് കിടത്തി. പിന്നീട് അപ്പോളോ ആശുപത്രിയില് എത്തിച്ചു. പിറ്റേന്ന് ആരോഗ്യസ്ഥിതി മെച്ചപ്പെട്ടു. ബോധംകെട്ടതുകൊണ്ടാണ് ആശുപത്രിയില് കൊണ്ടുവന്നതെന്നും അല്ലെങ്കില് താന് സമ്മതിക്കില്ലായിരുന്നുവെന്നും ജയലളിത പറഞ്ഞു. മുന്തൊഴില്മന്ത്രി നീലോഫര് കഫീല്, ലോക്സഭാ ഡെപ്യൂട്ടി സ്പീക്കര് എം. തമ്ബിദുരൈ, ആക്ടിങ് ഗവര്ണര് സി. വിദ്യാസാഗര് റാവു എന്നിവര് ആശുപത്രിയില് ജയലളിതയെ സന്ദര്ശിച്ചിരുന്നു.
സെപ്റ്റംബര് 28ന് ചീഫ് സെക്രട്ടറി രമാ മോഹന് റാവു, ഷീല ബാലകൃഷ്ണന് എന്നിവരുമായുള്ള ഉന്നതാധികാരസമിതിയോഗം ആശുപത്രിയില് ചേര്ന്ന ശേഷം ജയലളിതയുടെ സ്ഥിതി മോശമായി. പത്തുദിവസത്തിനുശേഷം മെച്ചപ്പെടുകയും ട്യൂബുകള് ജയ തന്നെ നീക്കുകയും ചെയ്തു.
എ.ഐ.എ.ഡി.എം.കെ. ഉപതെരഞ്ഞടുപ്പ് സ്ഥാനാര്ഥികളെ അംഗീകരിച്ചുകൊണ്ട് വിരലടയാളം നല്കുമ്ബോള് ജയലളിതയ്ക്കു സ്വബോധമുണ്ടായിരുന്നു. ആശുപത്രിയില് തന്നെ ആരും സന്ദര്ശിക്കരുതെന്നും വീട്ടില് തിരിച്ചെത്തുമ്ബോള് എല്ലാവര്ക്കും ഒരിക്കല് വന്നു കാണാമെന്നും ജയ നിര്ബന്ധം പിടിച്ചിരുന്നതായും ശശികല വ്യക്തമാക്കുന്നു.
https://www.facebook.com/Malayalivartha
