അസാമില് സഹപാഠികളായ പെണ്കുട്ടികള് ഒരേകയറില് തൂങ്ങിമരിച്ചു
അസാമിലെ കരിംഗഞ്ച് ജില്ലയില് സഹപാഠികളായ രണ്ട് പെണ്കുട്ടികള് ഒരേകയറില് തൂങ്ങിമരിച്ച നിലയില്. പെണ്കുട്ടികളില് ഒരാളുടെ വീടിനു സമീപത്തെ മരത്തിലാണ് മൃതദേഹങ്ങള് കാണപ്പെട്ട്. ബുധനാഴ്ച മുതല് ഇരുവരെയും കാണാനില്ലായിരുന്നു. ഇരുവരും പത്താം ക്ലാസ് വിദ്യാര്ഥിനികളാണ്.
പെണ്കുട്ടികള്ക്കായി ബന്ധുക്കള് തെരച്ചില് നടത്തി വരികയായിരുന്നു. ഇന്നലെ വൈകുന്നേരത്തോടെയാണ് മൃതദേഹങ്ങള് കണ്ടെത്തിയത്. ഉത്തര് പ്രദേശിലെ ബദൗനില് ദളിത് പെണ്കുട്ടികളെ ബലാല്സംഗം ചെയ്ത ശേഷം കെട്ടിത്തൂക്കിയ സംഭവവുമായുള്ള സാമ്യം കുട്ടികളുടെ ബന്ധുക്കളില് സംശയം ഉളവാക്കിയിട്ടുണ്ട്.
പെണ്കുട്ടികളെ മാനഭംഗപ്പെടുത്തിയ ശേഷം കെട്ടിത്തൂക്കിയതാണെന്ന് ബന്ധുക്കള് ആരോപിക്കുന്നു. മൃതദേഹങ്ങള് പോസ്റ്റുമോര്ട്ടത്തിന് അയച്ചിരിക്കുകയാണ്. പീഡനം നടന്നിട്ടുണ്ടോയെന്ന് പോസ്റ്റുമോര്ട്ടം റിപ്പോര്ട്ട് വവന്ന ശേഷമെ അറിയാനാകൂ എന്ന് കരിംഗഞ്ച് എഎസ്പി നിബിന് സിങ് പറഞ്ഞു. ഇന്ത്യ -ബംഗ്ലാദേശ് അതിര്ത്തി ഗ്രാമമാണ് കരിംഗഞ്ച്.
https://www.facebook.com/Malayalivartha
