നിതാരി കൂട്ടക്കൊലക്കേസ് പ്രതി കോലിയുടെ വധശിക്ഷ വീണ്ടും സ്റ്റേ ചെയ്തു
നിതാരി കൂട്ടക്കൊലക്കേസില് വധശിക്ഷയ്ക്ക് വിധിക്കപ്പെട്ട പ്രതി സുരേന്ദ്ര കോലിയുടെ ശിക്ഷ ഒക്ടോബര് 29 വരെ സുപ്രീം സ്റ്റേ ചെയ്തു. ജസ്റ്റിസ് എച്ച്.എല്.ദത്തു അധ്യക്ഷനായ മൂന്നംഗ ബെഞ്ചാണ് ശിക്ഷ വിധി മാറ്റി വച്ചത്. കേസ് ഒക്ടോബര് 28 ന് വീണ്ടും കോടതി പരിഗണിക്കും. നേരത്തെ വധശിക്ഷ നടപ്പിലാക്കുന്നതിനു ഏതാനും മണിക്കൂറുകള് ശേഷിക്കേ വധശിക്ഷയിക്ക് വിധിക്കപ്പെട്ടവരുടെ പുനപരിശോധനാ ഹര്ജി പരിഗണിക്കവെ കോടതി ഇടപെട്ട് ശിക്ഷ ഒരാഴ്ചത്തേക്ക് സ്റ്റേ ചെയ്തിരുന്നു. തിങ്കളാഴ്ച പുലര്ച്ചെയാണ് കോലിയെ തൂക്കിലേറ്റാന് തീരുമാനിച്ചിരുന്നത്.
കോലിയുടെ ശിക്ഷ പുനപരിശോധിക്കണമെന്ന് ആവശ്യപ്പെട്ട് മുതിര്ന്ന അഭിഭാഷക ഇന്ദിര ജയ്സിംഗാണ് സുപ്രീം കോടതിയെ സമീപിച്ചത്. ഉത്തര് പ്രദേശിലെ നോയിഡയ്ക്കടുത്തുള്ള നിതാരിയില് വ്യവസായിയായ മൊനീന്ദര് സിംഗിന്റെ വസതിയിലെ ജോലിക്കാരനായിരുന്ന കോലി പെണ്കുട്ടികളെ തട്ടിക്കൊണ്ടുപോയി പീഡിപ്പിച്ചു കൊലപ്പെടുത്തിയെന്ന കേസിലാണ് അറസ്റ്റിലായത്.
2005- 2006 കാലയളവില് പീഡനത്തിനും കൊലപാതകത്തിനുമായി 16 കേസുകളാണ് കോലിക്കെതിരെ ഉണ്ടായിരുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
