കഴിഞ്ഞ ദിവസം ചെന്നൈയില്‍ ദേശീയ അന്വേഷണ ഏജന്‍സി അറസ്റ്റ് ചെയ്ത ശ്രീലങ്കന്‍ സ്വദേശി അരുണ്‍ ശെല്‍വരാജിന്റെ ലാപ് ടോപ്പില്‍ തന്ത്രപ്രധാനമായ വിവരങ്ങള്‍. കൊച്ചി നേവല്‍ബേസിന്റെ ചിത്രവും മറ്റ് പ്രധാന സ്ഥലങ്ങളുടെ വിവരങ്ങളും ലാപ്‌ടോപ്പില്‍ കണ്ടെത്തി. ഇതെത്തുടര്‍ന്ന് കൊച്ചി അടക്കമുള്ള ദക്ഷിണേന്ത്യന്‍ നഗരങ്ങളുടെ സുരക്ഷ ശക്തമാക്കിയതായി കൊച്ചി സിറ്റി പോലീസ് കമ്മിഷ്ണര്‍ കെ.ജി.ജയിംസ് പറഞ്ഞു.
സിറ്റി പോലീസിനു പുറമെ തീരസുരക്ഷാ സേന, നേവി, ഐബി എന്നീ വിഭാഗങ്ങളുടെ ശക്തമായ നിരീക്ഷണം കൊച്ചിയിലുണ്ട്. ഏത് അടിയന്തിര സാഹചര്യത്തെയും നേരിടാന്‍ ഒരുക്കമാണെന്നും കമ്മിഷ്ണര്‍ പറഞ്ഞു. ചെന്നൈയില്‍ ബുധനാഴ്ച പിടിയിലായ അരുണ്‍ ശെല്‍വരാജ് പാക്കിസ്ഥാന്റെ ചാരസംഘടനയായ ഐഎസ്‌ഐ ഏജന്റാണെന്നാണു സംശയിക്കുന്നത്. കൊളംബോയിലുള്ള പാക്കിസ്ഥാന്‍ ഹൈക്കമ്മിഷന്‍ ഓഫിസിലേക്ക് ഇന്ത്യന്‍ നഗരങ്ങളുടെയും മറ്റ് തന്ത്ര പ്രധാന നഗരങ്ങളുടെയും ചിത്രങ്ങള്‍ അരുണ്‍ അയച്ചുകൊടുത്തതായി വിവരം ലഭിച്ചിട്ടുണ്ട്.
ഇയാളില്‍ നിന്ന് വ്യാജ പാസ്‌പോര്‍ട്ടുകളും മറ്റു രേഖകളും കണ്ടെത്തിയിരുന്നു. 2008 മുംബൈ ഭീകരാക്രമണ മാതൃകയില്‍ ദക്ഷിണേന്ത്യന്‍ നഗരങ്ങളില്‍ ആക്രമണം നടത്തുന്നതിനു വേണ്ടിയാണ് തന്ത്ര പ്രധാന സ്ഥാലങ്ങളുടെ ചിത്രങ്ങളും വീഡിയോകളും ശേഖരിക്കുന്നതെന്നാണ്രഹസ്യാന്വേഷണ വിഭാഗത്തിന്റെ നിഗമനം.

 അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha