മഹാരാഷ്ട്രയില് ബിജെപി -ശിവസേന ഭിന്നിപ്പ് രൂക്ഷമായി
നിയമസഭാ തെരെഞ്ഞെടുപ്പിന് ഒരു മാസം മാത്രം ശേഷിക്കെ മഹാരാഷ്ട്രയില് ബിജെപി -ശിവസേന ഭിന്നിപ്പ് രൂക്ഷമായി. എന്ഡിഎ വിജയിച്ചാല് മുഖ്യമന്ത്രി ശിവസേനയില് നിന്നായിരിക്കുമെന്ന് സേന എംപി സഞ്ജയ് റാവത്ത് പ്രഖ്യാപിച്ചിരുന്നു. അതിന് തൊട്ടു പിന്നാലെ ബിജെപി ഈ പ്രഖ്യാപനം തള്ളി. സംസ്ഥാനത്ത് ബിജെപി നയിക്കുന്ന സഖ്യമായിരിക്കും അധികാരത്തില് വരികയെന്നും പാര്ട്ടി നേതൃത്വം വ്യക്തമാക്കി. മുഖ്യമന്ത്രിയെ തെരഞ്ഞെടുപ്പിനു ശേഷമെ തീരുമാനിക്കൂ എന്ന് മഹാരാഷ്ട്രയുടെ ചുമതലയുള്ള ബിജെപി ജനറല് സെക്രട്ടറി രാജീവ് പ്രതാപ് റൂഡി പറഞ്ഞു.
മുഖ്യമന്ത്രി സ്ഥാനാര്ഥിയായി സ്വയം പ്രഖ്യാപിച്ച് ശിവസേന മേധാവി ഉദ്ധവ് താക്കറെ രംഗത്തു വന്നതോടെയാണ് തമ്മിലടി കൂടുതല് രൂക്ഷമായത്.അമിതമായ ആസക്തി വിവാഹമോചനത്തിലെത്തിക്കുമെന്ന് ബിജെപിക്ക് ശിവസേനാ മുഖപത്രം കഴിഞ്ഞ ദിവസം മുന്നറിയിപ്പ് നല്കിയിരുന്നു. ഇന്നലെ മുംബൈയില് ഒരു ചടങ്ങിനിടെയാണ് സേന -ബിജെപി ബന്ധം നല്ല രീതിയില് ആണെന്നും മുഖ്യമന്ത്രി സേനയില് നിന്നായിരിക്കുമെന്നും സഞ്ജയ് റാവത്ത് പ്രഖ്യാപിച്ചത്.
റാവത്ത് വലിയ നേതാവൊന്നുമല്ലെന്നാണ് ഇതിന് ബിജെപി വക്താവ് മാധവ് ഭണ്ഡാരിയുടെ തിരിച്ചടി. ഇങ്ങനെ പോയാല് സഖ്യചര്ച്ചകള് നിര്ത്തിവയ്ക്കും. ബിജെപി പ്രവര്ത്തകര് വലിയ രോഷത്തിലാണ്. അടുത്ത സര്ക്കാര് എന്തായാലും ബിജെപിയുടെ നേതൃത്വത്തിലായിരിക്കുമെന്നും ഭണ്ഡാരി പറഞ്ഞു. സേനയില് നിന്നു പക്വതയുള്ള സമീപനമാണ് പ്രതീക്ഷിക്കുന്നത്. 25 വര്ഷം പിന്നിട്ട സഖ്യം തുടരണമെന്ന് ആഗ്രഹിക്കുന്നു.135 സീറ്റുകള് വീതം ഇരുകൂട്ടരും മത്സരിക്കുക, ശേഷിക്കുന്നവ ചെറുകക്ഷികള്ക്കു നല്കുക. ഇതാണ് തങ്ങള് മുന്നോട്ട് വച്ചിരിക്കുന്ന നിര്ദ്ദേശമെന്ന് രാജീവ് പ്രതാപ് റൂഡി പറഞ്ഞു.
സേനയ്ക്കു പഴയ ശക്തിയില്ലാത്ത സാഹചര്യത്തില് വിട്ടുവീഴ്ച വേണ്ടെന്നാണ് ബിജെപിയുടെ നിലപാട്. അടുത്തിടെ നടന്ന അഭിപ്രായ സര്വേകളില് സേനാ ബിജെപി സംഖ്യത്തിന് ആകെയുള്ള 288 സീറ്റുകളില് 200 സീറ്റുകളില് വിജയിക്കാനാകുമെന്ന് പ്രവചിച്ചിരുന്നു. സഖ്യമില്ലെങ്കില്പ്പോലും 100ലേറെ സീറ്രുകളില് ബിജെപിക്ക് മേല്ക്കൈ ഉണ്ടത്രെ. ഈ സാഹചര്യത്തില് കൂടുതല് സീറ്റുകള് ലഭിക്കണമെന്നാണു ബിജെപിയുടെ ആവശ്യം. എന്നാല് കഴിഞ്ഞ തവണ 169 സീറ്റുകളില് മത്സരിച്ച സേന, പരമാവധി 19 സീറ്റുകള് മാത്രമെ ബിജെപിക്കും സഖ്യത്തിലെ ചെറുകക്ഷികളായ ആര്പിഐ, സ്വാഭിമാനി ഷെഡ്ക്കരി സംഘടന, രാഷ്ട്രീയ സമാജ് പക്ഷ, ശിവസംഗ്രം എന്നിവയ്ക്കായി നല്കാനാകൂ എന്ന നിലപാടിലാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
