രണ്ടാനമ്മയോടുള്ള തീര്‍ത്താര്‍ തീരാത്ത പ്രതികാരം ഒരു യുവാവിനെ സ്ത്രീ വിരോധിയാക്കി. തുടര്‍ന്ന് 15 ദിവസത്തിനുള്ളില്‍ അഞ്ച് സ്ത്രീകളെയും രണ്ട് വയസ്സുള്ള കുഞ്ഞിനെയും ഉള്‍പ്പടെ ഏഴ് പേരെ കൊലപ്പെടുത്തി. കൊല്ലപ്പെട്ടവരില്‍ മൂന്നു പേരെ ഇയാള്‍ മാനഭംഗപ്പെടുത്തുകയും ചെയ്തിരുന്നു. സേലത്തെ പെതനായിക്കന്‍ പാളയത്തിനടുത്തുള്ള കതിരിപ്പട്ടി ഗ്രാമത്തിലുള്ള എ.സുബ്ബരായനാണ് (27) ഈ കൊലപാതകങ്ങള്‍ക്ക് പുറകില്‍.

രണ്ടാനമ്മയുടെ പീഢനം സഹിക്കാതെ പതിനേഴാമത്തെ വയസില്‍ സുബ്ബരായന് വീട് വിട്ടു. പിന്നീട് ഡ്രൈവിംഗ് പഠിച്ച ഇയാള്‍ അലഞ്ഞ് നടക്കുകയായിരുന്നു. ഇയാള്‍ 5 വര്‍ഷം വടക്കേ ഇന്ത്യയിലായിരുന്നു

2012ല്‍ സ്വന്തം അമ്മൂമ്മയായ അയ്യമാളെ കൊലപ്പെടുത്തിയാണ് സുബ്ബയ്യര്‍ കൊലപാതകത്തിന് തുടക്കം കുറിച്ചത്. അന്ന് പൊലീസ് അറസ്റ്റ് ചെയ്ത ഇയാളെ സേലം സെന്‍ട്രല്‍ ജയിലില്‍ ഒരു മാസം തടവിലിട്ടിരുന്നു. പിന്നീട് ജാമ്യം കിട്ടിയപ്പോള്‍ സേലം അരിയലൂര്‍ ജില്ലകളിലെ വഴിയാത്രക്കാരുടെ മുതലുകള്‍ മോഷ്ടിക്കലായി ഇയാളുടെ തൊഴില്‍.
ആഗസ്റ്റ് 20ന് സേലം ജില്ലയിലെ ഉളിപുരത്തുള്ള ചിന്നത്തായി (48)നെ തലയില്‍ വലിയ പാറക്കഷണം കൊണ്ട് അടിച്ചാണ് സുബ്ബയ്യന്‍ കൊലപ്പെടുത്തിയത്. ഇവരുടെ വീട്ടില്‍ നിന്നും ഇയാള്‍ 10,000 രൂപ മോഷ്ടിച്ചു. അടുത്ത ദിവസം ട്രിച്ചി ജില്ലയിലെ കല്ലുക്കുടിയിലുള്ള ജയമേലു (82)നെ കൊന്ന് അവിടെ നിന്നും 1000 രൂപ മോഷ്ടിച്ചു.
പിന്നീട് എട്ട് ദിവസത്തിന് ശേഷം ആഗസ്റ്റ് 29ന് അരിയലൂര്‍ ജില്ലയിലെ കൈരലാബാദില്‍ ലക്ഷ്മി (75), സാവിത്രി(50) എന്നിവരെയും ഇയാള്‍ കൊല ചെയ്തു. കൊല ചെയ്യുന്നതിനു മുന്പ് സാവിത്രിയെ ഇയാള്‍ ബലാത്സംഗം ചെയ്യുകയും വീട്ടില്‍ നിന്നും 900 രൂപ എടുക്കുകയും ചെയ്തു. 
സെപ്തംബര്‍ 5ന് ഒരു കുടുംബത്തിലെ മൂന്ന് പേരെയും സുബ്ബയ്യന്‍ കൊല്പപെടുത്തി. അരിയല്ലൂര്‍ ജില്ലയിലെ സെന്തമംഗലം ഗ്രാമത്തിലുള്ള രണ്ട് വയസ്സുള്ള പെണ്‍കുട്ടിയെ ഭിത്തിയില്‍ തല ഇടിപ്പിച്ചും, കുട്ടിയുടെ അമ്മ പാര്‍വതി (25)യെ ബലാത്സംഗം ചെയ്ത ശേഷം കുത്തിയും, ഭര്‍ത്താവ് വേല്‍മുരുഗനെ (33) കഴുത്ത് മുറിച്ചും ഇയാള്‍ കൊലപ്പെടുത്തി.

സേലം, അരിയലൂര്‍,ട്രിച്ചി ജില്ലകളിലുള്ള സ്ത്രീകളെയാണ് ഇയാള്‍ കൊലപ്പെടുത്തിയത്. ഒഴിഞ്ഞ സ്ഥലത്ത് താമസിച്ചിരുന്ന സ്ത്രീകളെയാണ് ഇയാള്‍ ലക്ഷ്യമിട്ടിരുന്നത്. 
ഇത്രയൊക്കെ കൊലപാതകം നടത്തിയിട്ടും പോലീസിന് ഒരു തുമ്പും കിട്ടിയില്ല. അടുത്തിടെ മോഷണത്തിനിടെ നാട്ടുകാര്‍ പിടിച്ച് പോലീസില്‍ ഏല്‍പ്പിച്ചിരുന്നു. തുടര്‍ന്നാണ് യുവാവിന്റെ കുറ്റ സമ്മതം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha