കര്ണാടക സര്ക്കാര് രൂപീകരണം രാജ്യം ഉറ്റു നോക്കവേ വിജയിച്ച് വരുന്നത് കേരളത്തിന്റെ സ്വന്തം കെ.സി വേണുഗോപാല്; രാഹുല് ഗാന്ധിയുടെ വിശ്വസ്ഥനായ വേണുഗോപാലിന്റെ വാക്കുകള് സോണിയയും ചെവിക്കൊണ്ടു; വേണു തന്ത്രം വിജയിച്ചാല് ഇനിയുള്ളത് വേണുഗോപാലിന്റെ ദിനങ്ങള്
ഇപ്പോള് സാക്ഷാല് നരേന്ദ്ര മോഡിയേയും അമിത് ഷായേയും ഒരുപോലെ സങ്കടത്തിലാഴ്ത്തിയിരിക്കുന്നത് സോണിയാ ഗാന്ധിയോ രാഹുല് ഗാന്ധിയോ എകെ ആന്റണിയോ ഒന്നുമല്ല. കേരളത്തിന്റെ സ്വന്തം കെ.സി. വേണു ഗോപാല്. കര്ണാടകയില് തിരഞ്ഞെടുപ്പിന്റെ ചുമതലയാണ് രാഹുല് ഗാന്ധി എ.ഐ.സി.സി സെക്രട്ടറിയായ കെ.സി വേണുഗോപാലിന് നല്കിയയത്. എന്നാല് കോണ്ഗ്രസ് എട്ടു നിലയില് പൊട്ടിയതോടെ കേരളത്തിലുള്ളവര് വേണുഗോപാലിനെ പുച്ഛിച്ചു. അതേസമയം ബിജെപി ഒറ്റയ്ക്ക് ഭരിക്കില്ലെന്നായതോടെ ഇക്കാര്യം വേണുഗോപാല് രാഹുലിനെ അറിയിച്ചു. പിന്നെയുള്ള വഴിയാരാഞ്ഞപ്പോഴാണ് എങ്ങനെയും ഭരണം നിലനിര്ത്താന് രാഹുല് നിര്ദേശിച്ചത്.
ഇതോടെ അടുപ്പമുള്ള കര്ണാടക നേതാക്കളുമായി വേണുഗോപാല് ചര്ച്ച ചെയത് ഒരു തീരുമാനമെടുത്തു. മുഖ്യമന്ത്രി പദം വേണമെന്ന് പറഞ്ഞാല് ജനതാദള് സമ്മതിക്കില്ല. മുഖ്യമന്ത്രി പദം വിട്ടുകൊടുത്താല് എത്ര മന്ത്രി വേണമെങ്കിലും തരികയും ചെയ്യും. ഈ ബുദ്ധി രാഹുല് സോണിയയോടു പറഞ്ഞപ്പള് എല്ലാം ശുഭം. എതിര്ത്ത കര്ണാടക കോണ്ഗ്രസുകാരെ വേണുഗോപാല് സമാധാനിപ്പിക്കുകയും ചെയ്തു. ഇതോടെ ബിജെപി അങ്കലാപ്പിലാണ്. തുടര്ന്ന് ബിജെപി കുതിരക്കച്ചവടത്തിന് കോപ്പ് കൂട്ടവേ വേണുഗേപാല് പുതിയ അടവുമായി രംഗത്തെത്തി.
കര്ണാടകത്തില് സര്ക്കാര് രൂപീകരിക്കുന്നതില് നിന്ന് പിന്നോട്ടില്ലെന്ന് സംസ്ഥാന ചുമതലയുള്ള എ.ഐ.സി.സി സെക്രട്ടറി കെ.സി വേണുഗോപാല് പറഞ്ഞു. എല്ലാ സാധ്യതകളും പാര്ട്ടി സ്വീകരിക്കും. സര്ക്കാര് രൂപീകരിക്കാന് ഗവര്ണര് ക്ഷണിച്ചില്ലെങ്കില് നിയമനടപടി അടക്കമുള്ളവ സ്വീകരിക്കുമെന്നും വേണുഗോപാല് മാധ്യമങ്ങളോട് പറഞ്ഞു.
അതേസമയം കര്ണാടക സര്ക്കാര് രൂപീകരിക്കുന്നത് സംബന്ധിച്ച നിലപാട് ശക്തമാക്കി കോണ്ഗ്രസും ജെ.ഡി.എസും രംഗത്ത്. രാവിലെ ചേരുന്ന കോണ്ഗ്രസ് ജെ.ഡി.എസ് പാര്ലമെന്ററി പാര്ട്ടി യോഗങ്ങള്ക്ക് ശേഷം ഇരു വിഭാഗം എം.എല്.എമാര് സംയുക്തമായി ഗവര്ണറെ കാണാനാണ് തീരുമാനം. എം.എല്.എമാരുടെ പിന്തുണ ഗവര്ണറെ നേരിട്ടു ബോധ്യപ്പെടുത്താനാണ് ലക്ഷ്യം.
കോണ്ഗ്രസ്ജെ.ഡി.എസ് സര്ക്കാര് രൂപീകരണത്തിന് തടസമില്ലെന്ന് മുന് മുഖ്യമന്ത്രി സിദ്ധരാമയ്യ പറഞ്ഞു. കോണ്ഗ്രസ് എം.എല്.എമാര് ബി.ജെ.പിയിലേക്ക് പോകുന്ന സാഹചര്യം ഇപ്പോഴില്ല. അത്തരത്തിലുള്ള വാര്ത്തകള് വ്യാജമാണ്. കോണ്ഗ്രസ് എം.എല്.എമാരെ പാളയത്തിലേക്ക് കൊണ്ടുപോകാന് ബി.ജെ.പി ശ്രമം നടത്തുന്നുണ്ടാകാം. അത്തരം നീക്കങ്ങള് വിജയിക്കാന് പോകുന്നില്ലെന്നും സിദ്ധരാമയ്യ വ്യക്തമാക്കി.
അതിനിടെ, ബി.ജെ.പിക്ക് ഒപ്പം ചേരുമെന്ന പ്രചാരണം തള്ളി കോണ്ഗ്രസ് നേതാവ് ഡി.കെ. ശിവകുമാര് രംഗത്തു വന്നു. കോണ്ഗ്രസ് എം.എല്.എമാരെ റാഞ്ചാന് ബി.ജെ.പി ശ്രമിച്ചാല് തങ്ങളും കളിക്കുമെന്ന് മുന് ബി.ജെ.പി നേതാവ് കൂടിയായ ശിവകുമാര് മാധ്യമങ്ങളോട് പറഞ്ഞു.
അതേസമയം, എം.എല്.എമാരെ റാഞ്ചാന് ബി.ജെ.പി നീക്കം നടത്തുന്നുവെന്ന വാര്ത്ത കോണ്ഗ്രസിലെ ലിംഗായത്ത് വിഭാഗം നിഷേധിച്ചു. പാര്ട്ടിയിലെ ലിംഗായത്ത് എം.എല്.എമാര് തന്നെയാണ് മാധ്യമങ്ങളോട് ഇക്കാര്യം വ്യക്തമാക്കിയത്. വ്യാജ വാര്ത്തയാണിത്. കോണ്ഗ്രസിനൊപ്പം ഉറച്ചു നില്ക്കുന്നതായും എം.എല്.എമാര് പറഞ്ഞു.
അതിനിടെ, തെരഞ്ഞെടുപ്പില് വിജയിച്ച സ്വതന്ത്ര എം.എല്.എ ബി.ജെ.പിക്ക് പിന്തുണ പ്രഖ്യാപിച്ചിട്ടുണ്ട്.
https://www.facebook.com/Malayalivartha
