തമിഴ്നാടിനെ കണ്ടു പഠിക്കണം...അമ്മ സിമന്റുമായാണ് ഇക്കുറി തലൈവി ഞെട്ടിച്ചിരിക്കുന്നത്
പൊതുവിപണിയിലെ വിലക്കയറ്റം നിയന്ത്രിക്കാന് ഇടപെടുമെന്ന് ആവര്ത്തിക്കുന്ന കേരള സര്ക്കാരിനെ പോലെയല്ല തമിഴ്നാട്. അവിടെ പറച്ചിലില്ല, എന്തും ചെയ്തു കാണിക്കും. കെട്ടിട നിര്മാണ മേഖലയിലെ പ്രതിസന്ധി പരിഹരിക്കുന്നതിന് അമ്മ സിമ്ന്റ് സ്കീം എന്ന പേരില് പദ്ധതി രൂപീകരിച്ച് അമ്മ ബ്രാന്ഡ് സിമന്റും പുറത്തിറക്കി.
പൊതുവിപണിയിലെ വിലക്കയറ്റം നേരിടാന് കുറഞ്ഞ നിരക്കില് അമ്മ കാന്റീനും അമ്മ കുടിവെള്ളവും ഉപ്പും എത്തിച്ച് തമിഴ് മക്കളുട കൈയടി നേടിയ തലൈവിയാണ് ഇക്കുറി സിമന്റുമായി ഞെട്ടിച്ചിരിക്കുന്നത്.സ്വകാര്യ ഉത്പാദകരില് നിന്നൂം വാങ്ങുന്ന സിമന്റ് ചാക്കിന് 190 രൂപ നിരക്കില് സാധാരണക്കാര്ക്ക് എത്തിക്കുന്നതാണ് പദ്ധതി.
ഇതുപ്രകാരം തമിഴ്നാട്ടിലെ കമ്പനികളില് നിന്നും മാസംതോറും രണ്ടുലക്ഷം ടണ് സിമന്റ് സര്ക്കര് വാങ്ങും. പുതിയതായി വീട് നിര്മ്മിക്കുന്ന ഉപഭോക്താക്കള്ക്ക് 750 ചാക്ക് വരെ സിമന്റാണ് പരമാവധി നല്കുക. ഇതിനായി നിര്മ്മിക്കുന്ന കെട്ടിടത്തിന്റെ പ്ലാന് സര്ക്കാരിന് സമര്പ്പിക്കണം. വീടുകള് പുതുക്കി പണിയുന്നവര്ക്ക് 10 മുതല് 100 ചാക്കു വരെ സിമന്റ് കുറഞ്ഞ നിരക്കില് ലഭിക്കും.
തമിഴ്നാട് സിവില് സപ്ലൈസ് കോര്പറേഷനും ഗ്രാമീണ വികസന വകുപ്പും ചേര്ന്നാണ് പദ്ധതി നടപ്പാക്കുക. 470 ഗോഡൗണുകള് ഇതിനായി ഉപയോഗിക്കും. സംസ്ഥാന സിമന്റ് കോര്പറേഷനായിരിക്കും പദ്ധതിയുടെ നോഡല് ഏജന്സി. സര്ക്കാരിന്റെ ഭവന നിര്മ്മാണ പദ്ധതിയിലും ഇന്ദിര ആവാസ് യോജന പ്രകാരവും വീട് നിര്മ്മിക്കുന്നവര്ക്കും ഈ ആനുകൂല്യം ലഭിക്കും.
നേരത്തെ സര്ക്കാര് അമ്മ ബ്രാന്ഡില് പച്ചക്കറി വില്പ്പനശാലകളും, സ്റ്റേഷനറി, മരുന്നു സ്റ്റോറുകളും, വിത്തുകള്, ജനസേവന കേന്ദ്രങ്ങള്, ചായപ്പൊടി, ശിശുസംരക്ഷണ സഞ്ചികള് തുടങ്ങി നിരവധി ഇനങ്ങള് പുറത്തിറക്കിയിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha