ചീഫ് ജസ്റ്റിസ് ആര്.എം.ലോധ ഇന്നു വിരമിക്കും, പുതിയ ചീഫ് ജസ്റ്റിസായി എച്ച്.എല്. ദത്തു നാളെ ചുമതലയേല്ക്കും
ഭരണഘടന, മനുഷ്യാവകാശ വിഷയങ്ങളില് ശ്രദ്ധേയമായ വിധികള് പ്രസ്താവിച്ച സുപ്രീംകോടതി ചീഫ് ജസ്റ്റിസ് ആര്.എം.ലോധ ഇന്നു സ്ഥാനമൊഴിയും. പുതിയ ചീഫ് ജസ്റ്റിസായി എച്ച്.എല്. ദത്തു നാളെ സത്യപ്രതിജ്ഞ ചെയ്ത് ചുമതലയേല്ക്കും.
അഞ്ചുമാസം മാത്രമേ ചീഫ് ജസ്റ്റിസ് പദവിയിലിരുന്നുള്ളുവെങ്കിലും രാജ്യത്തെ നീതിന്യായ ചരിത്രത്തില് നാഴികക്കല്ലായിട്ടാണ് ജസ്റ്റിസ് ലോധ പടിയിറങ്ങുന്നത്.
സിബിഐ കൂട്ടിലിട്ട തത്തയെന്ന് അദ്ദേഹം നല്കിയ വിശേഷണത്തെ തുടര്ന്നാണ് ഏജന്സിക്ക് കൂടുതല് സ്വാതന്ത്ര്യം നല്കാന് കേന്ദ്രം തയ്യാറായത്. ഇന്ത്യന് രാഷ്ട്രീയത്തെ പിടിച്ചുകുലുക്കിയ കല്ക്കരി അഴിമതിക്കേസില് കേന്ദ്രസര്ക്കാരിന്റെ താല്പര്യം സംരക്ഷിക്കാന് സിബിഐ ശ്രമിച്ചപ്പോഴാണ് ജസ്റ്റിസ് ലോധ ഇങ്ങനെ വിമര്ശിച്ചത്.
1993 മുതല് 2010 വരെ നിയമ വിരുദ്ധമായി അനുവദിച്ച 214 കല്ക്കരിപ്പാടങ്ങളുടെ ലൈസന്സ് ലോധ റദ്ദാക്കി. ജഡ്ജ് നിയമന വിഷയത്തില് സര്ക്കാരിനോട് വിട്ടുവീഴ്ചയില്ലാത്ത സമീപനമായിരുന്നു ജസ്റ്റിസ് ലോധയുടേത്.
കൊളീജിയം സംവിധാനം കുറ്റമറ്റതാണെന്ന നിലപാടില് ഉറച്ചുനിന്ന അദ്ദേഹം ജുഡീഷ്യറിയുടെ സ്വാതന്ത്ര്യം സംരക്ഷിക്കാന് എന്നും നിലകൊണ്ടു. മുല്ലപ്പെരിയാര് കേസ് പരിഗണിച്ച ഭരണഘടനാബെഞ്ചിന്റെ തലവനായിരുന്ന അദ്ദേഹം, ശ്രീപദ്മനാഭസ്വാമിക്ഷേത്ര കേസിലും നിര്ണായക ഇടപെടലുകള് നടത്തി.
ജഡ്ജ്മാര് വിരമിച്ച ശേഷം രണ്ടു വര്ഷത്തേക്കെങ്കിലും ഭരണഘടനാ പദവികള് വഹിക്കുന്നത് ഒഴിവാക്കണമെന്ന് അഭിപ്രായപ്പെടുന്ന ജസ്റ്റിസ് ലോധ, ലോക്പാല് ഉള്പ്പെടെ ഒരു പദവിയും ഏറ്റെടുക്കാനില്ലെന്ന് വ്യക്തമാക്കി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
