ജയലളിത ജയിലില് തന്നെ... ആശുപത്രിയില് തങ്ങാനുള്ള ശ്രമം വിജയിച്ചില്ല; രാഷ്ട്രപതിഭരണം ഏര്പ്പെടുത്തണമെന്ന് സുബ്രഹ്മണ്യം സ്വാമി; അക്രമം തുടരുന്നു
കോടതി വിധിയോടെ ഭാവി ഇരുട്ടിലായ ജയലളിത ഇപ്പോള് അഗ്രഹാര ജയിലിലാണ്. ദേഹാസ്വാസ്ഥ്യം പ്രകപ്പിച്ച ജയലളിതയെ ആശുപത്രിയില് പ്രവേശിപ്പിച്ചെങ്കിലും ഇന്നലെ വൈകിട്ടോടെ വീണ്ടും ജയിലിലേക്ക് മാറ്റി.
അതേസമയം മുഖ്യമന്ത്രി ജയലളിതക്ക് തടവുശിക്ഷ ലഭിച്ച സാഹചര്യത്തില് തമിഴ്നാട്ടില് രണ്ടുമാസത്തേക്ക് രാഷ്ട്രപതി ഭരണം ഏര്പ്പെടുത്തണമെന്ന് ബി.ജെ.പി നേതാവ് സുബ്രഹ്മണ്യംസ്വാമി ആവശ്യപ്പെട്ടു. അനധികൃത സ്വത്തു സമ്പാദക്കേസില് വര്ഷങ്ങള്ക്ക് ശേഷമാണ് പ്രത്യേക കോടതി വിധി ഉണ്ടായിരിക്കുന്നത്. കോടതി വിധിയെ അദ്ദേഹം സ്വാഗതം ചെയ്തു.
ജയലളിതയ്ക്കെതിരായ വിധി വന്ന ഉടന് സുബ്രഹ്മണ്യന് സ്വാമിയുടെ ചെന്നൈയിലെ വീടിനു നേരെ എ.ഐ.എ.ഡി.എം.കെ പ്രവര്ത്തകര് നടത്തിയ പ്രകടനം അക്രമാസക്തമായിരുന്നു. സ്വാമിയുടെ കോലം കത്തിച്ച പ്രവര്ത്തകര് വീടിനുനേരെ കല്ലേറുംനടത്തി.
കോടതി ശിക്ഷിച്ചതോടെ, ജനപ്രാതിനിദ്ധ്യ നിയമപ്രകാരം ജയലളിതയ്ക്ക് എം. എല്. എ സ്ഥാനവും മുഖ്യമന്ത്രി സ്ഥാനവും നഷ്ടപ്പെടും. നാല് വര്ഷത്തെ ശിക്ഷാ കാലയളവും തുടര്ന്ന് ആറ് വര്ഷവും ഉള്പ്പെടെ പത്ത് വര്ഷത്തേക്ക് തിരഞ്ഞെടുപ്പില് മത്സരിക്കാനും കഴിയില്ല.
അഴിമതിക്കേസില് കോടതി ശിക്ഷിച്ച് അധികാരത്തില് നിന്ന് പുറത്താകുന്ന ആദ്യത്തെ മുഖ്യമന്ത്രിയായിരിക്കും ജയലളിത.
ശിക്ഷ മൂന്ന് വര്ഷത്തില് കൂടുതലായതിനാല് ജാമ്യം നല്കാന് പ്രത്യേക കോടതിക്ക് അധികാരമില്ല. അതിനാല് നാല് പ്രതികളെയും കസ്റ്റഡിയില് എടുത്ത് പരപ്പന അഗ്രഹാര ജയിലില് അടച്ചു. വിധിക്കെതിരെ പ്രതികള്ക്ക് അപ്പീല് നല്കാം.
നേരത്തേ, വിധി പ്രഖ്യാപനത്തിന് ശേഷം അസ്വസ്ഥത പ്രകടിപ്പിച്ച ജയലളിതയെ നെഞ്ച് വേദനയെ തുടര്ന്ന് അഗ്രഹാര ജയിലിലെ ആശുപത്രിയില് പ്രവേശിപ്പിച്ചിരുന്നു. വൈകിട്ട് അഞ്ചേ മുക്കാലോടെയാണ് ജയിലിലേക്ക് മാറ്റിയത്.
ജയലളിതയുടെ ഉറ്റതോഴിയായിരുന്നു ശശികല. ശശികലയുടെ ബന്ധുവാണ് ഇളവരശി. സുധാകരന് ജയലളിതയുടെ മുന് ദത്തു പുത്രനാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha