യുജിസി കേന്ദ്രസര്‍ക്കാര്‍ അടച്ചുപൂട്ടുന്നു; പകരം ഉന്നത വിദ്യാഭ്യാസ കമ്മീഷന്
എല്ലാം പൊളിച്ചടുക്കി ബിജെപി. പ്ലാനിംഗ് കമ്മീഷന് പിന്നാലെ വന്‍ തീരുമാനമാണ് കേന്ദ്രസര്‍ക്കാര്‍ എടുക്കാന്‍ പോകുന്നത്. യുണിവേഴ്‌സിറ്റി ഗ്രാന്റ്‌സ് കമ്മിഷനെ പിരിച്ചുവിടാനൊരുങ്ങി കേന്ദ്ര സര്‍ക്കാര്‍. പകരം ഉന്നത വിദ്യാഭ്യാസ കമ്മീഷന് രൂപീകരിക്കും. 14 അംഗങ്ങളായിരിക്കും കമ്മീഷനില്‍ ഉണ്ടാവുക. നിയമത്തിലേക്ക് നിര്‍ദ്ദേശങ്ങള്‍ സമര്‍പ്പിക്കാന്‍ ജൂലൈ ഏഴ് വരെ അവസരമുണ്ടായിരിക്കും.
കഴിഞ്ഞ മെയ് മാസത്തില്‍ യുജിസിക്കും എഐസിടിഇക്കും പകരമായി ഉന്നത വിദ്യാഭ്യാസ രംഗത്തെ നിയന്ത്രണത്തിനായി പുതിയ ഏജന്‍സിയെ കൊണ്ട് വരാന്‍ കേന്ദ്ര സര്‍ക്കാര്‍ തീരുമാനിച്ചിരുന്നു. ഹയര്‍ എജുക്കേഷന്‍ എംപവര്‍മെന്റ് റെഗുലേഷന്‍ ഏജന്‍സി അഥവ ഹീറ എന്ന പേരിലായിരിക്കും പുതിയ ഏജന്‍സിയെന്നായിരുന്നു റിപ്പോര്‍ട്ടുകള്‍.
മാനവ വിഭവശേഷി വകുപ്പും നീതി ആയോഗും ചേര്‍ന്നാണ് നിയമത്തിന്റെ കരട് ബില്‍ രൂപീകരിച്ചത്. രാജ്യത്തെ ഉന്നത വിദ്യാഭ്യാസ രംഗത്തെ നിയന്ത്രിക്കുന്ന സുപ്രധാന ഏജന്‍സികളാണ് യുണിവേഴ്‌സിറ്റി ഗ്രാന്‍ഡ് കമ്മീഷനും, ഓള്‍ ഇന്ത്യ കൗണ്‍സില്‍ ഫോര്‍ ടെക്‌നിക്കല്‍ എഡുക്കേഷനും. കേന്ദ്ര മാനവവിഭവശേഷി മന്ത്രാലയത്തിന്റെ ഔദ്യോഗിക വെബ്‌സൈറ്റിലൂടെ കമ്മിഷന്‍ സംബന്ധിച്ച നിര്‍ദേശങ്ങള്‍ സമര്‍പ്പിക്കാന്‍ വകുപ്പ് മന്ത്രി പ്രകാശ് ജാവേദ്ക്കര്‍ ആവശ്യപ്പെട്ടു
https://www.facebook.com/Malayalivartha
