വഴിയരികില് നിന്ന വൃദ്ധന് ലിഫ്ട് കൊടുത്തു, യുവാവിന് കിട്ടിയതോ എട്ടിന്റെ പണി
വഴിയരികില് വണ്ടി കാത്തു നിന്ന വൃദ്ധന് ഒരു യുവാവ് ലിഫ്റ്റ് കൊടുത്തു. ഒന്നു സഹായിച്ചതാ കിട്ടിയതോ എട്ടിന്റെ പണിയും. മുംബൈയില് സോഫ്റ്റ് വെയര് എഞ്ചിനീയര് ആയ നിതിന് നായര്ക്കാണ് വഴിയരികില് നിന്ന വൃദ്ധന് കാറില് ലിഫ്റ്റ് കൊടുത്തതിന്റ പേരില് പണി കിട്ടിയത്. സ്വകാര്യ വാഹനങ്ങളില് യാത്രക്കാരെ കയറ്റുന്നത് കുറ്റകരമാണെന്ന നിയമ വ്യവസ്ഥയാണ് നിതിന് എന്ന യുവാവിന് വിനയായത്. വഴിയരികില് വണ്ടി കാത്തു നില്ക്കുന്ന വൃദ്ധനോട് അനുകമ്പ തോന്നി കയറ്റിയതാണെങ്കിലും നിയമത്തിന് മുന്പില് സഹായത്തിന് സ്ഥാനമില്ലായിരുന്നു.മോട്ടോര് വെഹിക്കള് ആക്ടിലെ സെക്ഷന് 66 പ്രകാരമാണ് യുവാവിനെതിരെ ട്രാഫിക് പോലീസ് നടപടിയെടുത്തത്. ഈ വകുപ്പ് പ്രകാരം സ്വകാര്യ വാഹനങ്ങളില് യാത്രക്കാരെ കയറ്റുന്നത് ശിക്ഷാര്ഹമാണ്.
ലിഫ്റ്റ് കൊടുത്താലും വേണമെങ്കില് പൊലീസിന് പിഴ ഈടാക്കാനുള്ള വ്യവസ്ഥയുണ്ട്. എന്തായാലും ട്രാഫിക് നിയമത്തില് ഒളിഞ്ഞു കിടക്കുന്ന ഗുലുമാല് മനസിലാക്കാന് പയ്യന് 2000 രൂപ പിഴയടക്കേണ്ടി വന്നു.
കൂടാതെ അനുകമ്പ തോന്നി വെറുതെയൊന്ന് സഹായിച്ചതിന്റെ പേരില് ഒരു ദിവസം മുഴുവന് കോടതി വരാന്തയിലും പോലീസ് സ്റേഷനിലുമായി ചിലവഴിക്കേണ്ടിയും വന്നു.
https://www.facebook.com/Malayalivartha
