പ്രളയ ഫണ്ട് തട്ടിപ്പ്; സക്കീര് ഹുസൈന് തുണയായത് പാര്ട്ടിക്കുള്ളിലെ സാമ്പത്തികകൂട്ടുകെട്ട്; എളമരം കരീമിന്റെ റിപ്പോര്ട്ട് ഇയാളെ രക്ഷിക്കാന്; പാര്ട്ടിക്കെതികെ തുറന്നടിച്ച് എം.എം ലോറന്സ്; പാര്ട്ടിക്കുള്ളില് സാമ്പത്തിക വിഭാഗീയത ?
പ്രളയ ഫണ്ട് തട്ടിപ്പിലൂടെ അനധികൃത സ്വത്ത് സമ്പാദിച്ച സി.പി.എം കളമശ്ശേരി എരിയ സെക്രട്ടറി സക്കീര് ഹുസൈനെതിരെ മുതിര്ന്ന സി.പി.എം നേതാവ് എം.എം ലോറന്സ്. സക്കീറിന് തുണയായത് പാര്ട്ടിയിലെ സാമ്പത്തിക കൂട്ടുകെട്ടാണെന്ന് അദ്ദേഹം കുറ്റപ്പെടുത്തി. സക്കീര് ഹുസൈന് വഴി സാമ്പത്തിക നേട്ടം കൈവരിച്ച നിരവധിപേര് പാര്ട്ടിക്കുള്ളിലുണ്ട്. ഇവരാണ് ഇയാളെ സഹായിക്കുന്നത്. ഇയാളുടെ ഇടപാടുകളെയും അനധികൃത സ്വത്ത് സമ്പാദനത്തെയും കുറിച്ച് പഠിക്കാന് നിയോഗിച്ച എളമരം കരീമിന്റെ റിപ്പോര്ട്ടിനെതിരെയും രൂക്ഷമായ ഭാഷയിയാണ് ലോറന്സ് പ്രതികരിച്ചത്. എളംമരത്തിന്റെ റിപ്പോര്ട്ട് സക്കീറിനെ സംരക്ഷിക്കാനാണെന്ന് അദ്ദേഹം തുറന്നടിച്ചു. എളമരം കരീമിന്റെ അന്വേഷണം ശരിയായ രീതിയിലല്ലെന്ന് പാര്ട്ടിലെ തന്നെ ചിലര് തന്നെ വിളിച്ചു പറഞ്ഞുവെന്നും അദ്ദേഹം കൂട്ടിചേര്ത്തു.
ജില്ലയിലെ പാര്ട്ടിയില് വിഭാഗീയതയുണ്ട്. പഴയകാലത്തെ വിഭാഗീയത പോലെയല്ല ഇപ്പോളത്തെ പാര്ട്ടി വിഭാഗീയത. രാഷ്ട്രീയ അടിസ്ഥാനത്തിലുള്ളതായിരുന്നു പണ്ടത്തെ വിഭാഗീയതയെങ്കില് ഇന്നുള്ളത് സാമ്പത്തിക, സ്ഥാന മോഹങ്ങളെ അടിസ്ഥാനമാക്കിയുള്ള വിഭാഗീയത. സ്ഥാനം സാമ്പത്തിക നേട്ടമുണ്ടാക്കാന് സാധിക്കുമെന്നതിന് തെളിവാണ് സക്കീര് ഹുസൈന്റെ കാര്യത്തിലുണ്ടായിട്ടുള്ളതെന്നും ലോറന്സ് പറഞ്ഞു. സക്കീറിനേ പോലൊരാള് ഒരിക്കലും തിരുത്തല് വരുത്തുമെന്ന് തോന്നുന്നില്ല. അത്തരം ഒരാള്ക്കെതിരെ സസ്പെന്ഷനല്ല വേണ്ടത് കൂടുതല് ശക്തമായ നടപടിയാണുവേണ്ടിയിരുന്നതെന്നും എം. എം ലോറന്സ് പറഞ്ഞു.
പ്രളയ ഫണ്ടു തട്ടിപ്പുമായി ബന്ധപ്പെട്ട് ആരോപണ വിധേയനായ സി.പി.എമ്മിന്റെ തൃക്കാക്കര സെന്ട്രല് ലോക്കല് കമ്മിറ്റി അംഗവും അയ്യനാട് സഹകരണ ബാങ്ക് ഡയറക്ടറുമായ സിയാദ് ആത്മഹത്യ ചെയ്തിരുന്നു. ഇയാളുടെ ആത്മഹത്യ കുറുപ്പില് ഏരിയാ സെക്രട്ടറിയായ സക്കീര് ഹുസൈനെതിരെ പരാമര്ശമുണ്ടായിരുന്നു. സി.പി.എം നേതൃത്വത്തെ പ്രതിരോധത്തിലാക്കിയ പ്രളയ ഫണ്ട് തട്ടിപ്പില് വിവാദത്തിലായ ബാങ്കാണ് അയ്യനാട് സഹകരണ ബാങ്ക്. ഈ ബാങ്കിന്റെ ഡയറക്ടര് കൗലത്ത്, ഭര്ത്താവും സി.പി.എം പ്രദേശിക നേതാവുമായ അന്വര് തുടങ്ങിയവര് പ്രളയഫണ്ട് തട്ടിപ്പ് കേസിലെ പ്രതികളാണ്. ഇവരുമായുള്ള സക്കീരിന്റെ ബന്ധത്തിന് തെളിവായിരുന്നു സയിദിന്റെ ആത്മഹത്യകുറിപ്പ്. എന്നാല് കേസ് സിയാദിന് പ്രളയഫണ്ട് തട്ടിപ്പ് കേസുമായി ബന്ധമില്ലെന്നും സാമ്പത്തിക പ്രതിസന്ധിയാണ് ആത്മഹത്യക്ക് കാരണമെന്നും പറഞ്ഞു പോലീസ് കേസ് അട്ടിമറിക്കാന് ശ്രമിച്ചിരുന്നു. ഇതിനിടെയാണ് സക്കിറിനെതിരെ പാര്ട്ടിക്കുള്ളില് തന്നെ വിവാദമുണ്ടാകുകയും ഇയാളുടെ അനധികൃത സ്വത്ത് സമ്പാദനത്തിനെതിരെ പാര്ട്ടി തന്നെ അന്വേഷണം പ്രഖ്യാപിക്കുകയുമാണ്. തുടര്ന്ന് കുറ്റക്കാരനാണെന്നും പാര്ട്ടികണ്ടെത്തിയെങ്കില് നടപടിയെടുക്കാന് മടിച്ചിരുന്നു. കേന്ദ്ര നേതൃത്വം പോലും ഇടപ്പെട്ടതോടെയാണ് ഇയാളെ പാര്ട്ടിയില് നിന്നും ആറുമാസത്തേക്ക് സസ്പെന്ഡ് ചെയ്തത്. എന്നാല് പ്രളയ ഫണ്ട് തട്ടിപ്പില് ഇയാള്ക്കുള്ള പങ്ക് തെളിയാതിരിക്കാന് പാര്ട്ടി തന്നെ അന്വേഷണം അട്ടിമറിക്കുയാണെന്നുള്ള പരാതിയുമുണ്ട്.
https://www.facebook.com/Malayalivartha
