സൗദിയില്‍ തൊഴില്‍ തര്‍ക്കം പരിഹരിക്കാന്‍ തൊഴില്‍ മന്ത്രാലയത്തിന്റെ കോള്‍ സെന്ററുകള്‍
തൊഴില്‍ തര്‍ക്കം സംബന്ധിച്ച കേസുകള്‍ കൈകാര്യം ചെയ്യാനായി സൗദി തൊഴില്‍ മന്ത്രാലയം വിവിധ മേഖലകളില്‍ കോള്‍ സെന്ററുകള്‍ ആരംഭിച്ചു. മക്ക, റിയാദ്,അരാര്‍, ഹെയ്ല്‍, നജ്രാന്‍, ജാസന്‍ എന്നിവിടങ്ങളിലാണ് കാള്‍ സെന്ററുകള്‍ തുടങ്ങിയിരിക്കുന്നത്. വൈകാതെ മറ്റ് മേഖലകളിലും ഇത്തരം കേന്ദ്രങ്ങള്‍ തുടങ്ങുമെന്ന് മന്ത്രാലയവൃത്തങ്ങള്‍ അറിയിച്ചു. തൊഴിലാളികള്‍ക്ക് കേസുകള്‍ സംബന്ധിച്ച് ബന്ധപ്പെട്ട അധികാരികളുമായി അവരുടെ ഓഫീസുകളില്‍ ചെല്ലാതെ തന്നെ ആശയവിനിമയം സാധ്യമാകും.
കാള്‍ സെന്ററുകളില്‍ വിളിച്ച് കേസുകളുടെ പുരോഗതിയും അതുമായി ബന്ധപ്പെട്ട കാര്യങ്ങളും അറിയാന്‍ കഴിയും. കോള്‍ സെന്ററുകള്‍ കേസുകളെ കുറിച്ചുള്ള വിവരങ്ങള്‍ അതാത് സമയത്ത് ശേഖരിക്കുകയും തൊഴിലാളികള്‍ക്ക് അത് സംബന്ധിച്ചുള്ള വിവരങ്ങള്‍ കൈമാറുകയും ചെയ്യും. കേസുമായി ബന്ധപ്പെട്ട്് പ്രധാന കൂടിക്കാഴ്ചകള്‍ സംബന്ധിച്ചുള്ള വിവരങ്ങളും കാള്‍ സെന്ററുകള്‍ വഴി അറിയാന്‍ സാധിക്കും.
https://www.facebook.com/Malayalivartha
