കേരളം കഴിഞ്ഞ ആറ് ദിവസമായി നെഞ്ചുരുകി പ്രാർത്ഥിച്ച ആ വാർത്തയ്ക്ക് ഒടുവിൽ ശുഭപര്യവസായം. കൊല്ലം പട്ടത്താനത്തുനിന്ന് കാണാതായ 12 വയസ്സുകാരനെ ഒടുവിൽ ഗോവയിൽ സുരക്ഷിതമായി കണ്ടെത്തി. 'ഞാൻ യാത്ര പോകുന്നു, ഇനി 30 വർഷം കഴിഞ്ഞേ വരൂ' എന്ന് സഹപാഠികളോട് പറഞ്ഞ്, സ്വന്തം മുടി മുറിച്ച് രൂപമാറ്റം വരുത്തിയാണ് കുട്ടി വീടുവിട്ടിറങ്ങിയത്. കേരള പൊലീസും റെയിൽവേ പ്രൊട്ടക്ഷൻ ഫോഴ്സും (RPF) സംയുക്തമായി നടത്തിയ ആറ് ദിവസത്തെ തിരച്ചിലിനൊടുവിലാണ് കുട്ടി വലയിലാകുന്നത്. നിലവിൽ ചൈൽഡ് വെൽഫെയർ കമ്മിറ്റിയുടെ സംരക്ഷണയിലാണ് ഈ പന്ത്രണ്ടുകാരൻ.