ആറ്റുകാല്‍ പൊങ്കാല ഉത്സവത്തിനു ദുബായ് ഒരുങ്ങി
ദുബായ് ആറ്റുകാല്‍ അമ്മ പ്രവാസ സേവാസമിതിയുടെ നേതൃത്വത്തില്‍ ആറ്റുകാല്‍ പൊങ്കാല ഉത്സവം 12,13 തീയതികളില്‍ സഫാ പാര്‍ക്കിനു സമീപം എമിറേറ്റ്‌സ് ഇംഗ്ലീഷ് സ്പീക്കിങ് സ്‌കൂളില്‍ നടക്കും. ആറ്റുകാല്‍ ക്ഷേത്രം മുന്‍ മേല്‍ശാന്തി ഗോശാല വിഷ്ണു വാസുദേവന്‍ നമ്പൂതിരി മുഖ്യകാര്‍മികത്വം വഹിക്കും. 12നു വൈകിട്ട് 6.30നു ഭഗവതി സേവയോടെ ഉത്സവം ആരംഭിക്കും.
തുടര്‍ന്നു ഭജന്‍ ഭാരതിയുടെ സമ്പ്രദായ ഭജന്‍. 13നു പുലര്‍ച്ചെ 5.30നു അഷ്ടദ്രവ്യ മഹാഗണപതി ഹോമം, ദീപാരാധന, പൊങ്കാലയ്ക്കുള്ള അരി സമര്‍പ്പണം, പുരാണ പാരായണം, ദുബായ് നാദബ്രഹ്മം ഓര്‍ക്കസ്ട്രയുടെ ഭക്തിഗാന സുധ, ചെണ്ട മേളത്തോടെ പുണ്യാഹം, പണ്ടാര അടുപ്പിലേക്കു തീപകരല്‍, താലപ്പൊലി ഘോഷയാത്ര, സര്‍വൈശ്വര്യ പൂജ, ഉച്ചപൂജ, പൊങ്കാല നിവേദിക്കല്‍, പ്രസാദ വിതരണം, അന്നദാനം എന്നീ ചടങ്ങുകള്‍ക്കു ശേഷം 2.40നു ഗുരുതി സമര്‍പ്പണത്തോടെ കൊടിയിറങ്ങും.
കൂടുതല്‍ വിവരങ്ങള്‍ക്കും രജിസ്‌ട്രേഷനുമുളള ഫോണ്‍ നമ്പര്‍: 055 6540436, 050 4655430, 050 5941160.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
