പ്രവാസികള്ക്ക് ഫാമിലിവിസ ഇനി ഓണ്ലൈനിലൂടെ
സൗദിയില് ജോലി ചെയ്യുന്ന വിദേശികള്ക്ക് ഫാമിലി വിസ എടുക്കുന്നതിന് ഓണ്ലൈന് സംവിധാനം നിലവില് വന്നു. രണ്ടാം കിരീടാവകാശിയും ആഭ്യന്തര മന്ത്രിയുമായ അമീര് മുഹമ്മദ് ബിന് നായിഫ് ഓണ്ലൈന് സംവിധാനം തിങ്കളാഴ്ച ഉദ്ഘാടനം ചെയ്തു.
പുതിയ സംവിധാനമനുസരിച്ച് ആഭ്യന്തര മന്ത്രാലയത്തിന് കീഴിലെ റിക്രൂട്ടിങ് ഓഫിസില് (ഇസ്തിഖ്ദാം) പോകാതെയും കടലാസുജോലികള് കൂടാതെയും കുടുംബത്തിന് വിസ കരസ്ഥമാക്കാന് രാജ്യത്തെ ലക്ഷക്കണക്കിന് വിദേശികള്ക്ക് സാധിക്കും.
സര്ക്കാര് നടപടികള് ഇലക്ട്രോണിക് രീതിയിലാക്കുന്നതിന്റെയും പാരമ്പര്യ രീതിയിലുള്ള പേപ്പര് ജോലികള് കുറക്കുന്നതിന്റെയും ഭാഗമായാണ് ഓണ്ലൈന് ഫാമിലി വിസ ആരംഭിച്ചതെന്ന് അമീര് മുഹമ്മദ് ബിന് നായിഫ് പറഞ്ഞു.
വിസ നടപടികളും സേവനങ്ങളും വേഗത്തിലാവും എന്നതും പുതിയ സംവിധാനത്തിന്റെ പ്രത്യേകതയാണ്. ഭാര്യ, മക്കള് എന്നിവര്ക്കാണ് ഓണ്ലൈന് ഫാമിലി വിസ ലഭിക്കുക. ആഭ്യന്തരമന്ത്രാലയത്തിന്റെ മുഴുവന് സേവനങ്ങളും ഓണ്ലൈന് വഴിയാക്കുകയെന്ന ലക്ഷ്യം സാക്ഷാത്കരിക്കുന്നതിന്റെ ഭാഗമായാണ് പുതിയ ഉദ്യമം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha