അബുദാബിയില്‍ വിദേശവിദ്യാര്‍ഥികളുടെ രജിസ്‌ട്രേഷന്‍ മാര്‍ച്ച് 15 മുതല്‍
അബുദാബിയിലെ പബ്ലിക് സ്‌കൂളുകളില്‍ പ്രവേശനത്തിനായി പേര് രജിസ്റ്റര്‍ ചെയ്യേണ്ട തിയതി പ്രഖ്യാപിച്ചു. വിദേശികള്‍ക്ക് മാര്‍ച്ച് 15 മുതല്‍ 19 വരെയുള്ള തിയതികളില്‍ രജിസ്‌ട്രേഷന്‍ നടത്താം. സ്വദേശി വിദ്യാര്‍ഥികള്‍ക്കുള്ള പ്രവേശനസമയം ഫിബ്രവരി 15 മുതല്‍ മാര്‍ച്ച് 19 വരെയാണ്.
സ്‌കൂള്‍ പ്രവേശനം എളുപ്പത്തിലാക്കുന്നതിനായി ഓണ്‍ലൈന്‍ രജിസ്‌ട്രേഷന്‍ സംവിധാനം ഒരുക്കിയതായി അബുദാബി എജ്യൂക്കേഷന്‍ കൗണ്‍സില്‍ (അഡെക്) എക്‌സിക്യൂട്ടീവ് ഡയറക്ടര്‍ മുഹമ്മദ് സാലിം അല്‍ ദാഹിരി പറഞ്ഞു. സ്‌കൂള്‍ പ്രവേശനത്തിന്റെ ഭാഗമായി ഒരിക്കല്‍ മാത്രമേ നേരിട്ട് സ്‌കൂളിലെത്തേണ്ടതുള്ളൂ. 2015 ഡിസംബര്‍ 31ന് നാലുവയസ്സ് തികയുന്ന കുട്ടികള്‍ക്കാണ് കെ.ജി. ഒന്നിലേക്ക് പ്രവേശനം ലഭിക്കുകയെന്നും അല്‍ ദാഹിരി പറഞ്ഞു.
വിദേശവിദ്യാര്‍ഥികള്‍ക്ക് ംംം.മറലര.മര.മല എന്ന വെബ്‌സൈറ്റ് വഴി ഓണ്‍ലൈന്‍ രജിസ്‌ട്രേഷന്‍ നടത്താം. 6,000 ദിര്‍ഹമിന്റെ വാര്‍ഷികഫീസും ഓണ്‍ലൈന്‍വഴി അടയ്ക്കണം. വിദ്യാര്‍ഥികളുടെ എമിറേറ്റ്‌സ് തിരിച്ചറിയല്‍കാര്‍ഡ് ഉപയോഗിച്ചാണ് രജിസ്‌ട്രേഷന്‍ നടത്തേണ്ടത്. വിവരങ്ങളുടെ കൃത്യത ഉറപ്പുവരുത്താനാണിത്. അഡെക് അനുവദിച്ച സമയ പരിധിക്കുള്ളില്‍ രജിസ്റ്റര്‍ചെയ്താല്‍ അവരവര്‍ താത്പര്യപ്പെടുന്ന സ്‌കൂളുകളില്‍ത്തന്നെ പ്രവേശനം ലഭിക്കും. വിദ്യാര്‍ഥികള്‍ താമസിക്കുന്ന പ്രദേശം അടിസ്ഥാനമാക്കിയാണ് ഓരോ സ്‌കൂളിലും അപേക്ഷകള്‍ സ്വീകരിക്കുക. അപേക്ഷകരുടെ ഏറ്റവും അടുത്തായി സ്ഥിതിചെയ്യുന്ന സ്‌കൂളുകളില്‍ പ്രവേശംനല്‍കാന്‍ ശ്രമിക്കും. തൊട്ടടുത്തുള്ള സ്‌കൂളുകളില്‍ പ്രവേശനം ലഭിച്ചില്ലെങ്കില്‍ അഡെകിന്റെ നേതൃത്വത്തില്‍ വാഹനസൗകര്യം ലഭ്യമാക്കും. നടപടിക്രമങ്ങള്‍ പൂര്‍ത്തിയായാല്‍ കുട്ടികള്‍ക്ക് പ്രവേശനം ലഭിച്ച സ്‌കൂളിന്റെ പേര് അറിയിച്ചുകൊണ്ട് രക്ഷിതാക്കളുടെ മൊബൈലിലേക്ക് എസ്.എം.എസ്. സന്ദേശങ്ങള്‍ ലഭിക്കും.
ഓരോക്ലാസിലും എത്രകുട്ടികള്‍ വേണമെന്നതും കൗണ്‍സിലാണ് നിശ്ചയിക്കുന്നത്. കെ.ജി. ക്ലാസുകളില്‍ 23 കുട്ടികള്‍ വീതവും െ്രെപമറി ക്ലാസുകളില്‍ 25 പേരും സെക്കന്‍ഡറി ക്ലാസുകളില്‍ 30 കുട്ടികള്‍ വീതവുമാണ് അനുവദിക്കുക.
https://www.facebook.com/Malayalivartha
