സൗദിയില് സ്പോണ്സര്ഷിപ്പ് മാറ്റത്തിന് നിയന്ത്രണം വരുന്നു
സൗദിയില് വിദേശ തൊഴിലാളികളുടെ സ്പോണ്സര്ഷിപ്പ് മാറ്റത്തിന് നിയന്ത്രണം വരുന്നു. അനധികൃത വിസാ കച്ചവടവും സ്പോണ്സര്ഷിപ്പ് മാറ്റം ദുരുപയോഗം ചെയ്യുന്നതും തടയുന്നതിന്റെ ഭാഗമായാണ് ഈ നീക്കം.
ഇല്ലാത്ത തസ്തികകളുടെ പേരിലുള്ള വിസയില് സൗദിയിലെത്തി, ജോലി ലഭിക്കുന്ന സ്ഥാപനത്തിലേക്ക് പിന്നീട് സ്പോണ്സര്ഷിപ്പ് മാറുകയാണ് നിലവില് ഫ്രീ വിസക്കാര് ചെയ്യുന്നത്. അനധികൃതമായ ഈ വിസാകച്ചവടം അവസാനിപ്പിക്കുമെന്ന് മന്ത്രാലയം വ്യക്തമാക്കി.
സ്പോണ്സര്ഷിപ്പ് മാറാവുന്ന തൊഴിലാളികളുടെ എന്നതിനും സമയപരിധിക്കും നിയന്ത്രണം കൊണ്ടുവരും. ഇതുസംബന്ധമായി തൊഴില് മന്ത്രാലയം കൊണ്ടുവരുന്ന മാര്ഗ നിര്ദേശങ്ങള് ലംഘിക്കുന്ന സ്ഥാപനങ്ങള്ക്കെതിരെ നടപടി സ്വീകരിക്കും. നിരവധി സ്ഥാപനങ്ങള് വിദേശ തൊഴിലാളികളെ റിക്രൂട്ട് ചെയ്തു മാസങ്ങള്ക്കുള്ളില് മറ്റു സ്ഥാപനങ്ങളിലേക്ക് സ്പോണ്സര്ഷിപ്പ് മാറ്റുന്നതായി ശ്രദ്ധയില്പെട്ടതായി തൊഴില്മന്ത്രാലയം പറഞ്ഞു.
എന്നാല് സാഹചര്യമനുസരിച്ച് മാനുഷിക പരിഗണന നല്കി സ്പോണ്സര്ഷിപ്പ് മാറാനുള്ള അവസരം നല്കും. ഈ നിയമം പ്രാബല്യത്തില് വരുന്നതിനു മുമ്പ് തൊഴിലുടമകള്ക്കും തൊഴിലാളികള്ക്കും അവരുടെ അഭിപ്രായങ്ങളും നിര്ദേശങ്ങളും മന്ത്രാലയത്തിന്റെ വെബ്സൈറ്റ് വഴി പങ്കുവയ്ക്കാം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha