പ്രവാസികള്ക്ക് ഇനി വെബ്പോര്ട്ടല് വഴി പരാതി സമര്പ്പിക്കാം
പ്രവാസി ഇന്ത്യക്കാരുടെ നീറുന്ന പ്രശ്നങ്ങള് പരിഹരിക്കാനായി ഇന്ത്യന് വിദേശകാര്യമന്ത്രാലയവും പ്രവാസകാര്യ മന്ത്രാലയവും സംയുക്തമായി വെബ്പോര്ട്ടല് ആരംഭിക്കുന്നു.
മിനിസ്ട്രി ഓഫ് എക്സ്റ്റേണല് അഫയേഴ്സ് ഇന് എയ്ഡ് ഓഫ് ഡയസ്പോറ ഇന് ഡിസ്ട്രസ്സ് (എം.എ.ഡി.എ.ഡി.) എന്നാണ് ഈ പദ്ധതിയുടെപേര്. ആദ്യഘട്ടത്തില് തിരഞ്ഞെടുക്കപ്പെട്ട രാജ്യങ്ങളിലെ പ്രവാസികള്ക്ക് മാത്രമായാണ് ഈ സൗകര്യം ലഭ്യമാകുക. അതിലൊന്ന് ഒമാന് ആയിരിക്കുമെന്ന് വിദേശ കാര്യമന്ത്രി സുഷമാ സ്വരാജ് അറിയിച്ചു. പ്രവാസി ഇന്ത്യക്കാര്ക്ക് അവര് അനുഭവിക്കുന്ന പ്രശ്നങ്ങള് ഓണ്ലൈന്വഴി വിദേശകാര്യ മന്ത്രാലയത്തെയും നയതന്ത്രകാര്യാലയങ്ങളെയും അറിയിക്കാനുള്ള സംവിധാനമായിരിക്കും ഈ പോര്ട്ടല്. ഇതില് തങ്ങളുടെ പ്രശ്നങ്ങള് നേരിട്ട് രേഖപ്പെടുത്താന് പ്രവാസികള്ക്ക് സൗകര്യമുണ്ടാവും. ഈ പരാതികള് കാര്യക്ഷമമായി എംബസി ഉദ്യോഗസ്ഥര് പരിഗണിക്കുന്നുണ്ടോയെന്ന് പരിശോധിക്കാനുള്ള സംവിധാനവും പോര്ട്ടലിലുണ്ടാവും.
ടെലിഫോണ് വഴി പരാതികള് സമര്പ്പിക്കുന്നതിന് കോള് സെന്റര് ആരംഭിക്കാനും പദ്ധതിയുണ്ട്. ഈ പരാതികള് കാര്യക്ഷമമായി പരിശോധിക്കുകയും പരിഹാര നടപടികള് സ്വീകരിക്കുകയും ചെയ്യുന്നതിന് എംബസി ഉദ്യോഗസ്ഥര് നടപടിയെടുക്കും. ഇക്കാര്യം വിലയിരുത്താനും പരിശോധിക്കാനുമുള്ള സംവിധാനവും ഇതോടൊപ്പമുണ്ടാവും.
https://www.facebook.com/Malayalivartha
