ഏറ്റവുമധികം യാത്രക്കാരെ ബുദ്ധിമുട്ടിച്ചത് എയര് ഇന്ത്യ; ബുദ്ധിമുട്ടിയത് 96,232 എയര് ഇന്ത്യ യാത്രക്കാര്
ഏറ്റവുമധികം ആഭ്യന്തര യാത്രക്കാരെ ബുദ്ധിമുട്ടിച്ച വിമാന കമ്പനി എയര് ഇന്ത്യ തന്നെ. കഴിഞ്ഞമാസത്തെ കണക്കനുസരിച്ച് എയര് ഇന്ത്യ ഈ സ്ഥാനം നിലനിറുത്തുകയായിരുന്നു. ജനുവരിയില്, വിമാനം റദ്ദാക്കുകയോ കുറഞ്ഞത് രണ്ടു മണിക്കൂറെങ്കിലും വൈകുകയോ ചെയ്തതുവഴി 96,232 എയര് ഇന്ത്യ യാത്രക്കാരാണ് ബുദ്ധിമുട്ടിയത്. ഇവര്ക്ക് നഷ്ട പരിഹാരവും വിമാന സര്വീസിന്റെ പുനര് നിശ്ചയിച്ച സമയം വരെ കാത്തിരിക്കാന് സൗകര്യമൊരുക്കിയതിന്റെ ചെലവുമായി മൊത്തം 1.04 കോടി രൂപ എയര് ഇന്ത്യയ്ക്ക് നഷ്ടമായെന്ന് ഡയറക്ടര് ജനറല് ഒഫ് സിവില് ഏവിയേഷന്സ് (ഡി.ജി.സി.എ) പുറത്തുവിട്ട റിപ്പോര്ട്ട് വ്യക്തമാക്കി.
75,034 യാത്രക്കാരെ ബുദ്ധിമുട്ടിച്ച് ഇന്ഡിഗോയാണ് രണ്ടാം സ്ഥാനത്തെത്തിയത്. ഇന്ഡിഗോ കാത്തിരിക്കാനുള്ള സൗകര്യം മാത്രമാണ് ബുദ്ധിമുട്ടിയ യാത്രക്കാര്ക്കായി ഒരുക്കിയത്. ജെറ്റ് എയര്വെയ്സ് 11,666 യാത്രക്കാരെ ബുദ്ധിമുട്ടിച്ചു. വിമാനം വൈകുക, റദ്ദാക്കുക എന്നിവയിലൂടെ മൊത്തം 2.11 ലക്ഷം യാത്രക്കാരാണ് കഴിഞ്ഞമാസം ആഭ്യന്തര തലത്തില് ബുദ്ധിമുട്ടിയത്.
യാത്രികരുടെ എണ്ണം, വിമാനം റദ്ദാക്കല്, വൈകല് തുടങ്ങിയ സംബന്ധിച്ച് വിമാനക്കമ്പനികള് ഓരോ മാസവും ഡി.ജി.സി.എയ്ക്ക് റിപ്പോര്ട്ട് നല്കേണ്ടതുണ്ട്. ഇവ ക്രോഡീകരിച്ച് ഡി.ജി.സി.എ പുറത്തുവിട്ട റിപ്പോര്ട്ടിലാണ് യാത്രക്കാര് നേരിട്ട അസൗകര്യം, വിമാന സര്വീസ് വൈകല്, റദ്ദാക്കല് എന്നിവയെ കുറിച്ച് പറയുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha